vada recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే వడలు ఎలా తయారుచేయాలో ఇక్కడ తెలుసుకోండి.

Prep Time

4 Hour 20 Minutes
Cooking Time

20 Minutes
Servings

3

కావాల్సిన పదార్ధాలు

పచ్చిశనగపప్పు - కప్పు,
ఉల్లిపాయలు (చిన్న ముక్కలుగా కట్‌ చేసినవి) - అరకప్పు,
కొత్తిమీర, పుదీనా తరుగు - కప్పు,
పచ్చిమిర్చి - ఐదు లేక ఆరు,
అల్లం - చిన్న ముక్క,
వెల్లుల్లి రెబ్బలు - నాలుగైదు,
లవంగాలు- నాలుగు,
ఉప్పు - రుచికి సరిపడా,
నూనె - వేయించడానికి తగినంత.

తయారు చేయు విధానం

Step 1
ముందుగా పచ్చి శనగపప్పును శుభ్రం చేసి మూడు నాలుగు గంటలసేపు నానబెట్టుకోవాలి.
Step 2
అంతలోపు ఉల్లిపాయలు, కొత్తిమీర, పుదీనా తరిగి పక్కన పెట్టుకోవాలి.
Step 3
తర్వాత మిక్సీజార్‌లో పచ్చిమిర్చి, ఉప్పు, లవంగాలు, అల్లం, వెల్లుల్లి వేసి మెత్తని పేస్ట్‌లా తయారుచేసుకోవాలి.
Step 4
ఈ పేస్ట్‌ను ఒక గిన్నెలోకి తీసుకొని అదే జార్‌లో నానబెట్టుకున్న శనగపప్పును బరకగా, కొంత భాగం మెత్తని పేస్ట్‌లా గ్రైండ్‌ చేసుకోవాలి.
Step 5
గ్రైండ్‌ చేసుకున్న పప్పును మసాలా మిశ్రమంలో వేసి బాగా కలపాలి.
Step 6
అలాగే అందులో తరిగి పెట్టుకున్న కొత్తిమీర, పుదీనా, ఉల్లిపాయ ముక్కలు వేసి బాగా కలుపుకోవాలి.
Step 7
ఇప్పుడు స్టౌ వెలిగించి పాన్‌ పెట్టి, నూనె పోసి వేడయ్యాక, మసాలా పిండిని చిన్న ఉండలుగా చేసుకోవాలి.
Step 8
వీటిని అరచేతిలో పెట్టి వడలుగా కావాల్సిన సైజులో వత్తుకొని వీటిని కాగే నూనెలో వేసి ఎర్రగా వేయించి ప్లేట్‌లోకి తీసుకోవాలి.
Step 9
వేడివేడిగా సర్వ్‌ చేయాలి. వీటికి పుదీనా చట్నీ కూడా మంచి కాంబినేషన్‌.