ugadi special bobbatlu

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే బొబ్బట్లు ఎలా తయారుచేయాలో ఇక్కడ తెలుసుకోండి.

Prep Time

1 Hour 15 Minutes
Cooking Time

40 Minutes
Servings

3

కావాల్సిన పదార్ధాలు

మైదాపిండి- రెండు కప్పులు,
ఉప్పు - చిటికెడు,
నూనె- రెండు టేబుల్‌ స్పూన్లు,
పచ్చిశనగపప్పు - రెండు కప్పులు,
బెల్లం తురుము - రెండు కప్పులు,
పంచదార- పావుకప్పు,
పచ్చికొబ్బరి తురుము- కప్పు,
యాలకులపొడి - టేబుల్‌స్పూను.

తయారు చేయు విధానం

Step 1
మొదటగా పచ్చి శనగపప్పు కొద్దిగా పలుకుగా, మెత్తగానూ ఉడికించాలి.
Step 2
తర్వాత నీళ్లు వంపేసి అందులో బెల్లం తురుము, పంచదార, కొబ్బరితురుము కలిపి బాగా దగ్గరయ్యేవరకూ సన్న మంట మీద మగ్గనివ్వాలి.
Step 3
ఇందులో యాలకులపొడి వేసి కలిపి చల్లారనివ్వాలి. ఈలోగా మైదాపిండిలో ఉప్పు, నూనె వేసి కలిపి తగినన్ని నీళ్లతో చపాతీపిండిలా మృదువుగా కలపాలి.
Step 4
దీన్ని గంట నాననివ్వాలి. ఇప్పుడు నానిన పిండిని చిన్న ఉండ తీసుకుని కొంచెం వత్తి మధ్యలో శనగపప్పు మిశ్రమాన్ని పెట్టి అన్నివైపులా మూసి ఉండ చేసుకోవాలి.
Step 5
తర్వాత దీన్ని పలుచని చపాతీలా వత్తి పాన్‌ మీద రెండువైపులా నేతితో కాల్చాలి. అంతే పచ్చిశనగపప్పు బొబ్బట్లు రెడీ.!