mutton kima

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే మటన్ ఖీమా ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

30 Minutes
Servings

4

కావాల్సిన పదార్ధాలు

మటన్ ఖీమా - అర కేజీ
ఉల్లి తరుగు - ఒక కప్పు
టమాటో తరుగు - ఒక కప్పు
అల్లం వెల్లుల్లి పేస్ట్ - మూడు టీ స్పూన్లు
గరం మసాలా - ఒక టీ స్పూన్
కరివేపాకు - మూడు రెబ్బలు
కొత్తిమీర తరుగు- పావు కప్పు
పసుపు- చిటికెడు.
కారం, ఉప్పు, నూనె - తగినంత

తయారు చేయు విధానం

Step 1
ముందుగా ఖీమాను శుభ్రంగా కడిగి పక్కనపెట్టుకోవాలి. స్టౌ మీద బాణలి పెట్టి నూనె వేడయ్యాక అందులో ఉల్లి తరుగును చేర్చి దోరగా వేయించాలి.
Step 2
తర్వాత కరివేపాకు, అల్లం, వెల్లుల్లి పేస్ట్, పసుపు, కారం వేసి కొద్దిగా వేపుకోవాలి. కడిగి పెట్టుకున్న ఖీమ వేసి అందులో కాసింత ఉప్పు వేసి కలుపుకోవాలి. తర్వాత మూత పెట్టాలి.
Step 3
అందులోని నీరంతా ఇగిరిపోయాక చిన్న ముక్కలుగా చేసుకున్న టమోటా, గరం మసాలా వేసి కలియబెట్టి.. రెండు కప్పులు నీరు చేర్చి ఖీమా మెత్తగా ఉడికేంతవరకు ఉంచారు.
Step 4
నీరంతా ఇగిరిపోయాక కొత్తిమీర తరుగుతో గార్నిష్ చేసుకుని దించేయాలి. అంతే మటన్ ఖీమా కర్రీ రెడీ అయినట్లే. దీన్ని రోటీల్లోకి లేదా అన్నంలోకి సైడిష్‌గా వాడుకోవచ్చు.