coconut Kakra

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే కొబ్బరి కాక్రా ఎలా తయారుచేయాలో ఇక్కడ తెలుసుకోండి.

Prep Time

20 Minutes
Cooking Time

15 Minutes
Servings

2

కావాల్సిన పదార్ధాలు

కొబ్బరి తురుము - కప్పు,
బెల్లం - కప్పు,
యాలకులపొడి,
సోంపు పొడి - చెంచా చొప్పున,
నెయ్యి - చెంచా.
పైపూత కోసం:
పాలు - ముప్పావు కప్పు,
గోధుమ పిండి - కప్పు,
బెల్లం - రెండు చెంచాలు,
నూనె - వేయించడానికి సరిపడా.

తయారు చేయు విధానం

Step 1
ఓ గిన్నెలో పాలు తీసుకుని వేడిచేయాలి. అవి మరిగాక మంట తగ్గించి గోధుమ పిండి కలిపి పొయ్యి కట్టేయాలి.
Step 2
ఇందులో అర చెంచా చొప్పున యాలకుల పొడి, సోంపు పొడి కలపాలి.
Step 3
మరో పాత్రలో నెయ్యి కరిగించి కొబ్బరి తురుమును ఓ నిమిషం పాటు వేయించి ఆ తరవాత బెల్లం తురుము, మిగిలిన యాలకుల పొడి, సోంపుపొడి చేర్చాలి.
Step 4
మిశ్రమం గట్టిపడి.. గిన్నె నుంచి వేరయ్యేంత వరకు కలుపుతూ ఉండి.. ఆ తరవాత పొయ్యి కట్టేయాలి.
Step 5
ముందుగా కలిపి పెట్టుకున్న పిండిని నిమ్మకాయంత ఉండల్లా చేసి.. ఆ తరవాత వెడల్పుగా వచ్చేలా అద్దుకుని అందులో చెంచా కొబ్బరి మిశ్రమాన్ని ఉంచి.. చుట్టూ మూసేయాలి.
Step 6
కొబ్బరి మిశ్రమం ఇవతలకు రాకుండా మరోసారి అద్ది.. కాగుతున్న నూనెలో వేయించాలి.
Step 7
కమ్మని కొబ్బరి కాక్రా సిద్ధమైనట్లే. పిల్లలు ఇష్టంగా తింటారు.