biryani with beetroot

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే బీట్రూట్ బిర్యాని ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

25 Minutes
Servings

2

కావాల్సిన పదార్ధాలు

బీట్రూట్ ముక్కలు - ఒక కప్పునిండా,
బియ్యం - మూడు కప్పులు,
ఉల్లిపాయ ముక్కలు - అరకప్పు,
పుదీనా తరుగు - అరకప్పు,
పచ్చి మిర్చి ముక్కలు - నిలువుగా కట్ చేసినవి పది,
కొత్తిమీర తరుగు - అరకప్పు,
అల్లం వెల్లుల్లి పేస్టు - ఒక టీ స్పూను,
ధనియాల పొడి - రెండు టీ స్పూనులు,
గరం మసాలా పొడి - ఒక టీ స్పూను,
పసుపు - ఒక టీ స్పూను,
దాల్చిన చెక్క - ఒకటి, బిర్యానీ ఆకు - నాలుగు,
ఉప్పు, నూనె - సరిపడినంత

తయారు చేయు విధానం

Step 1
బియ్యాన్ని నీళ్లలో అరగంట పాటూ నానబెట్టుకోవాలి. కళాయిలో నూనె పోసి, వేడెక్కాక అందులో బిర్యానీ ఆకు, దాల్చిన చెక్క వేసి వేపాలి.
Step 2
అందులో తరిగిన ఉల్లిపాయలు, పచ్చిమిర్చి కూడా వేసి వేయించాలి. అవి వేగాక... అల్లం వెల్లుల్లి పేస్టు వేయాలి.
Step 3
30 సెకన్ల తరువాత బీట్రూట్ ముక్కలు వేసి బాగా వేపాలి. బీట్రూట్ ముక్కలు సగం ఉడికి పోయేలా వేయించుకోవాలి.
Step 4
మూడు నిమిషాల పాటూ వేయించుకోవాలి. నానబెట్టిన బియ్యాన్ని నీళ్లు లేకుండా కళాయిలో వేసి బాగా కలపాలి. ఇప్పుడు మూడు కప్పుల బియ్యం కాబట్టి... ఏడుకప్పుల నీళ్లు పోయాలి.
Step 5
ఒక కప్పు ఎక్కువ పోయడం వల్ల ముక్కలు బాగా ఉడుకుతాయి.
Step 6
అన్నం మెతుకు బాగా ఉడికేలా చూసుకోవాలి. ఇంకో నిమిషంలో ఆపేస్తామనంగా గరిటెతో ఓసారి కింద నుంచి మీదకి కలిపి మూత పెట్టేయాలి. అంతే బీట్రూట్ బిర్యానీ సిద్ధమైనట్టే.