peanut burfi

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే పల్లీలతో హెల్తీ బర్ఫీ ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

30 Minutes
Servings

4

కావాల్సిన పదార్ధాలు

వేరు శెనగపలుకులు (పల్లీలు) - పావు కిలో,
నెయ్యి - ఒక టీస్పూను,
పంచదార - 150 గ్రాములు,
కుంకుమపువ్వు - రెండు రెమ్మలు,
బాదం, పిస్తాల తరుగు - పావు కప్పు,
నీళ్లు - రెండు గ్లాసులు.

తయారు చేయు విధానం

Step 1
పల్లీలను ముందుగా వేయించుకోవాలి. పైన తొక్క తీసేయాలి. మిగతా వాటిని మిక్సీలో వేసి మెత్తటి పొడి చేసుకోవాలి.
Step 2
అలాగే బాదం పలుకులు, పిస్తాల తరుగును నెయ్యిలో వేయించి పక్కన పెట్టుకోవాలి.
Step 3
ఇప్పుడు స్టవ్ మీద కళాయి పెట్టి నీళ్లు, చక్కెర వేసి లేతపాకం తీసుకోవాలి.
Step 4
లేత పాకం వస్తున్నప్పుడు పల్లీల పొడి వేసి బాగా కలపాలి. ఆ మిశ్రమం చిక్కబడుతున్నప్పుడు వేయించిన బాదం, పిస్తాల తరుగును వేసి కలపాలి.
Step 5
అలాగే కుంకుమపువ్వు కూడా వేయాలి. ఆ మిశ్రమం మరీ గట్టిపడకముందే స్టవ్ కట్టేయాలి.
Step 6
ఆ మిశ్రమాన్ని పళ్లెంలో వేసి చల్లారనివ్వాలి. అనంతరం నచ్చిన ఆకారంలో ముక్కలు కోసుకోవాలి. ఇది వారం రోజుల పాటూ తాజాగా ఉంటాయి.