palak pulao

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే పాలకూర పలావ్ ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

25 Minutes
Servings

1

కావాల్సిన పదార్ధాలు

బాస్మతి బియ్యం - రెండు కప్పులు,
పాలకూర తరుగు - కప్పునిండా,
ఉల్లిపాయ ముక్కలు -పావు కప్పు,
పచ్చి మిర్చి - నాలుగు,
లవంగాలు - నాలుగు,
యాలకులపొడి - అర టీస్పూను,
టొమాటో తరుగు - అరకప్పు,
గరం మసాలా - అర టీస్పూను,
జీడిపప్పులు - గుప్పెడు,
నూనె - సరిపడినంత,
ఉప్పు - తగినంత,
అల్లం వెల్లులి ముద్ద - ఒక టీస్పూను.

తయారు చేయు విధానం

Step 1
బియ్యాన్ని బాగా కడిగి అరగంట పాటూ నానబెట్టుకోవాలి. పాలకూర తురుము, అల్లం వెల్లుల్లి ముద్ద కలిపి మిక్సీలో వేసి మెత్తగా చేసుకోవాలి.
Step 2
ఇప్పుడు స్టవ్ మీద పాన్ పెట్టి అందులో కాస్త నూనె వేయాలి. పచ్చిమిర్చి, గరంమసాలా, లవంగాలు, యాలకుల పొడి, జీడి పప్పు వేసి వేయించాలి.
Step 3
అందులో ముందుగా రుబ్బి పెట్టుకున్న పాలకూర పేస్టును వేసి వేయించాలి.
Step 4
సరిపడా ఉప్పు కూడా వేసి వేయించాలి. అవి బాగా వేగాక ముందుగా నానబెట్టుకున్న బియ్యం వేసి వేయించాలి.
Step 5
రెండు నిమిషాలు వేగాక అన్నం ఉడకడానికి సరిపడా నీళ్లు పోసి మూత పెట్టేయాలి. చివర్లో కాస్త నిమ్మరసం చల్లి, గరిటెతో ఓసారి కలిపి స్టవ్ కట్టేయాలి. అంతే పాలక్ పలావ్ తినడానికి సిద్ధంగా ఉంది.