malai cauliflower

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే మలై కాలీఫ్లవర్ ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

20 Minutes
Servings

3

కావాల్సిన పదార్ధాలు

కాలీఫ్లవర్ - ముప్పావు కిలో
నూనె - 4 టేబుల్ స్పూన్లు
పాలపొడి - 3 టేబుల్ స్పూన్లు
పంచదార - పావుటీస్పూన్
గ్రేవీ ముద్దా కోసం :
ఉల్లిపాయలు – 2
అల్లం - అర అంగుళం ముక్క
వెల్లుల్లి రెబ్బలు – 3
పచ్చిమిర్చి - 5
గరం మసాలా కోసం :
దాల్చిన చెక్క - అర అంగుళం ముక్క
యాలకులు - రెండు
లవంగాలు - రెండు

తయారు చేయు విధానం

Step 1
కాలిఫ్లవర్ పూరేమ్మలను దేనికది విడదీయాలి. తరువాత వీటిని ఓ గిన్నెలో వేసి తగినన్ని నీళ్ళు పోసి ఉప్పు వేసి ఉడికించాలి.
Step 2
ఉల్లిముక్కలు, పచ్చిమిర్చి, అల్లం, వెల్లుల్లి పేస్ట్ లా చేసుకోవాలి.
Step 3
ముప్పావు కప్పు నీళ్ళలో పాలపొడి వేసి పేస్ట్ లా చేసుకోవాలి.
Step 4
బాణలిలో 2 టేబుల్ స్పూన్ల నూనె వేసి ఉడికించిన కాలిఫ్లవర్ ముక్కలను వేసి మూడు నాలుగు నిముషాలు వేయించి తీయాలి.
Step 5
తరువాత అందులోనే మిగిలిన రెండు టేబుల్ స్పూన్ల నూనె వేసి ఉల్లిముద్ద, గరం మసాలా వేసి వేయించాలి. ఇప్పుడు పాలముద్ద కూడా వేసి ఉడికించాలి. పాలపొడి ముద్ద పాలవిరుగుడులా అయ్యేవరకు ఉడికించాలి.
Step 6
ఇప్పుడు వేయించి తీసిన కాలిఫ్లవర్ ముక్కలు వేసి టీ కప్పు నీళ్ళు పోసి, ఉప్పు సరిచూసి సిమ్ లో 5 నిముషాలు ఉడికించాలి.