coriander rolls

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే కొత్తిమీర రోల్స్ ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

15 Minutes
Servings

2

కావాల్సిన పదార్ధాలు

కొత్తిమీర తురుము - నాలుగు కప్పులు,
శెనగపప్పు- 200 గ్రాములు,
కొబ్బరి తురుము - ఒక కప్పు, కందులు - రెండు టేబుల్ స్పూన్లు,
గసగసాలు - రెండు టీ స్పూన్లు,
ఉల్లిపాయ - ఒకటి,
పచ్చిమిరపకాయలు - నాలుగు, పెరుగు - ఒక కప్పు,
గరం మసాలా - ఒక టీ స్పూను,
ఉప్పు - తగినంత,
నీళ్లు - సరిపడా,
నూనె - సరిపడా.

తయారు చేయు విధానం

Step 1
ముందుగా కొత్తిమీరని శుభ్రంగా కడిగి సన్నగా తరిగి పక్కన పెట్టుకోవాలి.
Step 2
ఇందులో కొబ్బరి తురుము, మెత్తగా దంచిన గసగసాలు, కందులు, ఉల్లిపాయముక్కలు, పచ్చిమిరపకాయ ముక్కలు, అల్లం ముద్ద, ఉప్పు వేసి బాగా కలిపి పక్కన పెట్టుకోవాలి.
Step 3
శెగనపిండిలో కూడా కొద్దిగా ఉప్పు వేసి చపాతి పిండిలా కలుపుకోవాలి.
Step 4
చిన్న ఉండలుగా చేసుకుని చపాతి చేసుకోవాలి. చపాతీలు పైభాగంలో స్పూనుతో పెరుగు రాయాలి. మధ్యలో కొత్తిమీర మిశ్రమాన్ని పెట్టి నాలుగువైపులా మూసేయాలి.
Step 5
ఇలా రోల్స్‌ని తయారుచేసుకుని ఇడ్లీ రేకులపై పెట్టి ఓ పదినిమిషాలు ఉడికించి దించేయాలి.
Step 6
తరువాత కడాయిలో నూనె పోసి బాగా కాగాక ఈ రోల్స్‌ని వేసి ఎరుపు రంగు వచ్చే వరకూ వేగించి దించేయాలి.