beerakaya gravy (ridge guard)

బీరకాయ గ్రేవీ - బీరకాయంటే అందురూ ఇష్టపడుతారు. సీజన్ లో దొరికే ఈ బీరకాయతో
మంచి గ్రేవీ ఐటమ్ చేసుకోవచ్చును, ఇది చాలా రుచిగా ఉంటుంది. అన్నం, రోటీ బెస్ట్
కాంబినేషన్ బీరకాయ గ్రేవీ ఎలా తయారు చేసుకోవాలో నేర్చుకుందాం.

Prep Time

10 Minutes
Cooking Time

35 Minutes
Servings

Null

కావాల్సిన పదార్ధాలు

2 బీరకాయలు
2 టేబుల్ స్పూన్లు మినప్పప్పు
4 టేబుల్ స్పూన్లు నువ్వులు
4 ఎండుమిర్చి
1 టీస్పూన్ ఆవాలు
1 రెబ్బ కర్వేపాకు
3 టేబుల్ స్పూన్లు నూనె
తగినంత ఉప్పు

తయారు చేయు విధానం

Step 1
ముందుగా బీరకాయల చెక్కు తీసి మీడియం సైజులో కట్ చేసుకుని పెట్టుకోవాలి.
Step 2
నువ్వులు, మినప్పప్పు, ఎండుమిర్చి దోరగా వేయించుకుని మీక్సీలో పేస్ట్ చేసుకోవాలి.
Step 3
ఇప్పుడు స్టవ్ మీద పాన్ పెట్టి నూనె వేసి అది వేడి అయిన తరువాత అందులో ఆవాలు, కర్వేపాకు వేసి వేయించి బీరకాయ ముక్కలు కూడా వేసి మగ్గనివ్వాలి.
Step 4
బీరకాయలు సగం ఉడికిన తరువాత అందులో ముందుగా సిద్దం చేసుకున్న నువ్వుల పేస్ట్ వేసి కలిపి మూత పెట్టి ఉడికించాలి.
Step 5
కూరంతా ఉడికి గ్రేవీ చిక్కపడిన తరువాత దించి సర్వ్ చేయాలి. ఇది అన్నం, రోటీలకు బెస్ట్ కాంబినేషన్.