vusirikaya curry

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ఉసిరికాయ పులుసు కూర ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

25 Minutes
Servings

3

కావాల్సిన పదార్ధాలు

ఉసిరికాయలు - 4 లేదా 6
ఉల్లిపాయ ముక్కలు - 1/2 కప్పు
టమాటా ముక్కలు - 1/2 కప్పు
పసుపు - 1/4 స్పూన్
ఉప్పు - 1/2 స్పూన్
పచ్చిమిర్చి - 2
కారం - 1 స్పూన్
ధనియాల పొడి - 1 స్పూన్
జీలకర్ర పొడి - 1/2 స్పూన్
నూనె - 3 or 4 స్పూన్స్
పోపు కొరకు:
జీలకర్ర - 1/4 స్పూన్
ఆవాలు - 1/4 స్పూన్
ఎండుమిర్చి - 1
కరివేపాకు

తయారు చేయు విధానం

Step 1
ముందుగా ఉసిరి కాయల్ని కడిగి తుడిచి ఉంచుకోవాలి. స్టవ్ ఆన్ చేసి బాణలిలో 2 స్పూన్స్ నూనె వేసి ఉసిరికాయల్ని వేసి.. దోరగా వేయించుకోవాలి. అవి కొద్దిగా పగలుతాయి.
Step 2
వాటిని వేరే గిన్నెలోకి తీసుకుని మిగతా రెండు చెంచాలు నూనె వేసి పోపు సామాగ్రి వెయ్యాలి.
Step 3
అవి వేగుతుండగా ఉల్లి, పచ్చిమిరపముక్కలు వేసి అన్నీ చక్కని రంగు వచ్చే వరకు వేయించుకుని, టమాటా ముక్కలు కలిపి.. వేయిస్తూ పసుపు కారం వేసి గరిటతో టమాటా ముక్కలు మెత్తగా నొక్కుతూ.. ఒక ముద్ద కూరలా అయ్యేలా ఉడికించుకోవాలి.
Step 4
నీరు కలిపి చక్కని గ్రేవీలా తినే రుచిని బట్టి పలుచగా చేసుకొని ఇప్పుడు ఉసిరికాయల్ని ఉడికే ఆ పులుసుకూర మిశ్రమంలో వేసి.. ధనియాల పొడి, జీలకర్ర పొడి జోడించి మూత పెట్టి దగ్గర పడేదాకా ఉడికించుకుని స్టవ్ ఆఫ్ చేసుకోవాలి.
Step 5
ఈ కూర వేడి అన్నంతో నేతితో తింటే చాలా రుచిగా ఉంటుంది. ఉసిరి ముక్కలకు పులుపు కారం ఉప్పు పట్టి చపాతి, రోటీలలో కూడా చాలా రుచిగా ఉంటుంది.