Potato Bonda Recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే బంగాళదుంప బోండా ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

15 Minutes
Servings

2

కావాల్సిన పదార్ధాలు

మొలకెత్తిన పెసలు - రెండు కప్పులు
ఉడికించిన బంగాళదుంపలు - రెండు
అల్లం - రెండు అంగుళాలు
పచ్చిమిర్చి - ఆరు
ఉప్పు - రుచికి తగినంత
జీలకర్ర - 1/2 స్పూన్
టమాటా - ఒకటి
ఆవాలు - 1/2 స్పూన్
పసుపు - కొద్దిగా
నూనె - సరిపడినంత

తయారు చేయు విధానం

Step 1
ముందుగా మొలకెత్తిన పెసలు, అల్లం, పచ్చిమిర్చి, కొద్దిగా జీలకర్ర తీసుకొని కొద్దిగా ఉప్పువేసి మెత్తగా అంటే గారెల పిండిలా మిక్సీ పట్టుకోవాలి.
Step 2
ఇప్పుడు బాణలి తీసుకొని దానిలో కొంచెం నూనె వేసి అది కాగిన తరువాత జీలకర్ర, ఆవాలు, సన్నగా తరిగిన టమాటా ముక్కలు, ఉప్పు, పసుపు వేసి మూత పెట్టాలి.
Step 3
టమాటా ముక్కలు కొంచెం ఉడికిన తరువాత.. అందులో ఉడికించుకున్న బంగాళదుంపల ముద్ద, సన్నగా తరిగిన పచ్చిమిర్చి, కొంచెం అల్లంవేసి బాగా కలపాలి. దీంతో బంగాళదుంప కూర రెడీ అవుతుంది.
Step 4
ఇప్పుడు దీనిని తీసుకొని చిన్న చిన్న ఉండలుగా చేసుకొని సిద్దంగా ఉంచుకోవాలి.
Step 5
మరో బాణలి తీసుకొని దానిలో నూనె పోసి అది కాగిన తరువాత బంగాళదుంప ఉండలను పెసర పిండిలో ముంచి నూనెలో వేసి ఎర్రగా వేయించుకోవాలి. అంతే కరకరలాడే. బంగాళదుంప బోండా రెడీ.