strawberry sponge cake recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే స్ట్రాబెర్రీ స్పాంజ్ కేక్ ఎలా తయారుచేయాలో ఇక్కడ తెలుసుకోండి.

Prep Time

1 Hour 10 Minutes
Cooking Time

20 Minutes
Servings

3

కావాల్సిన పదార్ధాలు

కోడిగ్రుడ్లు... ఐదు
పంచదార... రెండు కప్పులు
మైదాపిండి... రెండు కప్పులు
కేక్‌జెల్... ఒక కప్పు
కోకో పౌడర్.... ఒక కప్పు
స్ట్రాబెర్రీలు... ఒక కప్పు
చాక్‌లెట్... అరకప్పు
లెమన్ జ్యూస్... రెండు టీస్పూన్లు
బట్టర్... పావుకేజీ
షుగర్ సిరప్... తగినంత

తయారు చేయు విధానం

Step 1
ముందుగా కోడిగ్రుడ్లను పగులగొట్టి ఒక పాత్రలో వేసి బాగా నురగ వచ్చేలాగా గిలక్కొట్టాలి.
Step 2
తరువాత అందులో కేక్‌జెల్, పంచదార, మైదాపిండి ఒకదాని తరువాత ఒకటి వేసి పిండి ముద్దలా చేసుకోవాలి.
Step 3
దీనికి కోకో పౌడర్, లెమన్ జ్యూస్‌ను కూడా కలిపి పిండిని బాగా మర్దనా చేసి ఆపై, ఈ మిశ్రమాన్ని కేక్ ట్రేలో సర్ది బేక్ చేసుకోవాలి.
Step 4
ఈలోపు చాక్‌లెట్, బట్టర్ కలుపుకుని హెవీ క్రీముని తయారు చేసుకోవాలి.
Step 5
కేక్ తయారవగానే మీ కిష్టమైన షేప్‌లో కట్ చేసుకుని, కేక్‌పై షుగర్ సిరప్ పరచుకునేలా జాగ్రత్తపడాలి.
Step 6
మరొక లేయర్ కేక్‌ని ఉంచి దానిపై చాక్‌లెట్ హెవీ క్రీముని, స్ట్రాబెర్రీ ముక్కలను పోయాలి.
Step 7
ఇలా మీకు నచ్చిన విధంగా మూడు పొరలుగా కేక్‌ను అమర్చుకోవచ్చు.
Step 8
పూర్తి అమరిక తరువాత కేక్‌లను ఫ్రిజ్‌లో పెట్టి చల్లచల్లగా అతిథులకు అందించండి.