chatpata murgh recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే చట్‌పటా ముర్గ్ ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

30 Minutes
Servings

1-2

కావాల్సిన పదార్ధాలు

చికెన్ బ్రెస్ట్ పీస్-200 గ్రా,
శనగపిండి-10 గ్రా,
బియ్యంపిండి-5 గ్రా
ఉప్పు-తగినంత,
కారం-టీ స్పూన్,
పెరుగు-పావు కప్పు,
ఉల్లిపాయ తరుగు-పావు కప్పు,
టొమాటో ముక్కలు-పావు కప్పు,
ధనియాల పొడి-2 టీ స్పూన్లు,
పసుపు-చిటికెడు,
కొత్తిమీర-కట్ట,
జీలకర్ర-అర టీ స్పూన్,
వెల్లుల్లి-4 గ్రా (సన్నగా తరగాలి),
కరివేపాకు-రెమ్మ,
అల్లం-3 గ్రా (సన్నగా తరగాలి),
నూనె-50 గ్రా
పచ్చిమిర్చి-ఆరు (నిలువుగా చీరాలి)

తయారు చేయు విధానం

Step 1
ముందుగా చికెన్ పీసెస్‌ని శుభ్రంగా కడిగి చిన్న చిన్న ముక్కలుగా కట్ చేసుకోవాలి.
Step 2
ఒక బౌల్‌లో శనగపిండి, బియ్యంపిండి వేసి కాస్త నీళ్లు పోసి జారుడుగా కలుపుకోవాలి.
Step 3
స్టౌ మీద పాన్ పెట్టి డీప్ ఫ్రైకి సరిపడ నూనె వేసి కాగాక పైన కలుపుకున్న మిశ్రమంలో చికెన్ ముక్కలను ముంచి నూనెలో వేసి డీప్ ఫ్రై చేసి పక్కన పెట్టుకోవాలి.
Step 4
ఇప్పుడు గ్రేవీ కోసం పక్కన ఒక పాన్‌లో కాస్త నూనె వేసి వేడెక్కాక కట్ చేసుకున్న పచ్చిమిర్చి, జీలకర్ర, కరివేపాకు, అల్లం, వెల్లుల్లి ముక్కలను వేయాలి.
Step 5
ఇవి వేగుతూ ఉండగా అందులో ఉల్లిపాయ తరుగు, ఉప్పు, కారం, పసుపు, ధనియాల పొడి వేసి గోల్డెన్ బ్రౌన్ కలర్ వచ్చే వరకు వేయించి అందులో టొమాటో ముక్కలు కూడా వేసి బాగా కలపాలి.
Step 6
ఈ మిశ్రమాన్ని తక్కువ సెగ మీద పెట్టి చివరగా చిలికిన పెరుగు, కొత్తిమీర, ఫ్రై చేసి పెట్టుకున్న చికెన్ పీసెస్‌ని కూడా వేసి కలిపి వెంటనే బౌల్‌లోకి తీసుకోవాలి.
Step 7
కలర్‌ఫుల్‌గా ఇష్టపడేవాళ్లు ఎరుపు రంగు ఫుడ్ కలర్‌ని వేసుకుంటే ఆకర్షణీయంగా ఉంటుంది. చట్‌పటా ముర్గ్‌ను స్టార్టర్స్‌లా లేదా స్నాక్స్‌లా ఇష్టపడతారు.