spicy chicken tomato curry recipe making tips healthy food item

చికెన్’తో చేసే వివిధరకాల వంటకాల్లో చికెన్ టమోటా కర్రీ ఒకటి! టమోటా, చికెన్ కాంబినేషన్’తో తయారయ్యే ఈ వంటకం ఆరోగ్యానికి ఎంతో మంచిది. ఎందుకంటే.. ఆ రెండింటిలోనూ న్యూట్రిషన్లు, పోషక విలువలు పుష్కలంగా వుంటాయి.

అలాగే ఇందులో వుండే యాంటీ-ఆక్సిడెంట్లు వ్యాధినిరోధక శక్తిని పెంచుతాయి. కాబట్టి.. సాధారణ చికెన్ కర్రీలు చేసుకోవడం కంటే ఈ విధమైన రిసిపీలను చేసుకుంటే రుచితోబాటు ఆరోగ్యాన్ని మెరుగుపరుచుకోవచ్చు. మరి ఈ రిసిపీని ఎలా చేస్తారో తెలుసుకుందామా...

Prep Time

30 Minutes
Cooking Time

40 Minutes
Servings

2-5

కావాల్సిన పదార్ధాలు

500 గ్రాములు (2 కప్స్) చికెన్
2 కప్పులు టమోటా గుజ్జు
2 టీ స్పూన్లు చింతపండు గుజ్జు
ఒక కప్పు బంగాళదుంపలు
అరకప్పు ఉల్లిపాయలు
పావు కప్పు వెల్లుల్లి రెబ్బలు
2 టీ స్పూన్లు రెడ్ చిల్లీ పేస్ట్
కొద్దిగా కొత్తిమీర తరుగు
కొద్దిగా కరివేపాకు
1 టీ స్పూన్ జీలకర్రపొడి
1 టీ స్పూన్ కొబ్బరి నూనె
రుచికి తగినంత ఉప్పు

తయారు చేయు విధానం

Step 1
చికెన్ ముక్కలను నీటిలో శుభ్రంగా కడిగిన తరువాత వాటిని పసుపు, ఉప్పుతో మ్యారినేట్ చేసుకొని పక్కన పెట్టుకోవాలి.
Step 2
ఒక పాన్ తీసుకుని అందులో తగినంత కొబ్బరినూనె వేసి వేడి చేసుకోవాలి. వేడయ్యాక అందులో కరివేపాకు వేసి ఫ్రై చేయాలి.
Step 3
ఫ్రై చేసిన వెంటనే అందులో వెల్లుల్లి రెబ్బలు వేసి, 10 సెకనుల తర్వాత ఉల్లిపాయ ముక్కలు వేసి.. అవి బ్రౌన్ కలర్’లోకి వచ్చేంతవరకు ఉడికించుకోవాలి.
Step 4
అలా కలర్ మారిన తర్వాత అందులో జీలకర్రపొడి, ఉప్పు వేసి నిముషంవరకు వేయించాలి. అనంతరం టమోటా పేస్ట్ వేసి.. మొత్తం మిశ్రమాన్ని కలియబెడుతూ 10 నిముషాలవరకు వేడిచేయాలి.
Step 5
అలా వేడి చేసిన తరువాత అందులోనే రెడ్ చిల్లీ పేస్ట్ వేసి మరో 5 నిముషాలవరకు ఉడికించాలి. టమోటా గ్రేవీ చిక్కగా అయ్యేంతవరకు వేయించాలి.
Step 6
టమోటా గ్రేవీ చిక్కగా అయిన అనంతరం అందులో ఇదివరకు మ్యారినేట్ చేసి పక్కన పెట్టుకున్న చికెన్ ముక్కలను వేసి.. మూతపెట్టి వేడిచేయాలి.
Step 7
కొద్దిసేపటి తర్వాత మంటను పూర్తిగా తగ్గించి.. అంటే మీడియం మంట మీద ఉడికించుకోవాలి. అలా చేస్తే మసాలాలు చికెన్ ముక్కలకు బాగా పడుతాయి.
Step 8
చివరగా ఉడుకుతున్న ఆ చికెన్-టమోటా గ్రేవీలో కొద్దిగా చింతపండు గుజ్జును వేసి.. నిముషం తర్వాత స్టౌవ్ ఆఫ్ చేయాలి. అంతే! చికెన్ టమోటా కర్రీ రెడీ! దీనిని కొత్తిమీర తరుగుతో గార్నిష్ చేసి సర్వ్ చేసుకోవచ్చు.