palak kuttu recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే పాలకూర కూటు ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

20 Minutes
Servings

1-4

కావాల్సిన పదార్ధాలు

పాలకూర - 2 కట్టలు
కందిపప్పు - 100 గ్రా.
పెసరపప్పు - 100 గ్రా.
పల్లీలు - 50 గ్రా.
ఎండుమిర్చి - 6
శనగపప్పు - రెండు టీ స్పూన్లు
మినప్పప్పు - టీ స్పూను
ధనియాలు - టీ స్పూను
పసుపు - చిటికెడు
నీరు - తగినంత
ఎండుకొబ్బరిపొడి - రెండు టీ స్పూన్లు
తెల్లనువ్వులు - రెండు టీ స్పూన్లు
పాలు - అరగ్లాసు
పంచదార - టీ స్పూను
మిరియాలు - 10
జీలకర్ర - టీ స్పూను
పోపు కోసం:-
నూనె లేదా నెయ్యి, ఎండుమిర్చి, ఆవాలు, ఇంగువ, కరివేపాకు - రెండు రెమ్మలు, కొత్తిమీర - ఒక కట్ట

తయారు చేయు విధానం

Step 1
బాణలిలో నూనె లేకుండా శనగపప్పు, ధనియాలు, మినప్పప్పు, ఎండుకొబ్బరి తురుము, ఎండుమిర్చి, నువ్వులను దోరగా వేయించి పక్కనుంచుకోవాలి.
Step 2
చల్లారిన తరవాత అందులో మిరియాలు, జీలకర్ర, ఇంగువ వేసి గ్రైండర్‌లో మెత్తగా చేసి పక్కనుంచుకోవాలి.
Step 3
కుకర్ లో కందిపప్పు, పెసరపప్పు, పాలకూర తరుగు, పల్లీలు, పసుపు, తగినంత నీరు పోసి నాలుగు విజిల్స్ వచ్చేవరకు ఉంచి దింపేయాలి.
Step 4
చల్లారాక అందులో పొడి చేసి ఉంచుకున్న మిశ్రమాన్ని వేసి రెండు పొంగులు రానిచ్చాక పాలు, పంచదార, ఉప్పు వేసి బాగా కలిపి దింపేయాలి.
Step 5
బాణలిలో నూనె వేడయ్యాక పోపు సామాను గోధుమరంగు వచ్చేవరకు వేయించి దానిని కూటులో వేసి బాగా కలిపి కొత్తిమీరతో గార్నిష్ చేసుకోవాలి. పాలకూర కూటు ఇడ్లీ, దోసె, చపాతీ, అన్నంలోకి బావుంటుంది.