mango semiya upma recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే మామిడికాయ సేమ్యా ఉప్మా ఎలా తయారుచేయాలో ఇక్కడ తెలుసుకోండి

Prep Time

5 Minutes
Cooking Time

15 Minutes
Servings

1-2

కావాల్సిన పదార్ధాలు

ఒకటిన్నర కప్పు సేమ్యా, నేతిలో ఎర్రగా అయ్యేంతవరకు వేయించుకొన్నది.
మూడు లేక నాలుగు పచ్చి మిరపకాయలు
అల్లం చిన్న ముక్క తరిగినది.
తొక్కు తీసి తురిమిన మామిడి కోరు – మూడొంతుల కప్పు కాజు
నూనె తగినంత
నెయ్యి తగినంత
పోపు పెట్టుకోవడానికి తగినన్ని ఆవాలు, జీలకర్ర, మినప్పప్పు, కరివేపాకు.

తయారు చేయు విధానం

Step 1
నాలుగు కప్పుల నీటిలో ఒక చెంచా నూనె, ఒక అర చెంచా ఉప్పు వేసి, సేమ్యాను మెత్తగా ఉడికించుకోవాలి.
Step 2
సేమ్యా ముద్దగా అవ్వకుండా చూసుకోవాలి. మెత్తగా ఉడికిన సేమ్యాను వార్చుకొని, చల్ల నీరు చల్లి, ఒక పక్కకు పెట్టుకోవాలి.
Step 3
ఒక బాణెలిలో రెండు చెంచాల నూనె వేసుకొని, కొంచం వేడి కాగానే ఆవాలు వేసి, చిట పటలాడనిచ్చుకోవాలి.
Step 4
దీనికి మినప్పప్పు, జీలకర్ర, కరివేపాకు పోపు వేసుకొని, చక్కగా వేగనివ్వాలి. దీనికి పచ్చిమిరపకాయ ముక్కలు, అల్లం కోరు తగిలించి వేగనివ్వాలి.
Step 5
ఇప్పుడు దీనికి మామిడికాయ కోరు కలుపుకొని రెండు మూడు నిమిషాలు వేగనివ్వాలి. దీనికి తగినంత ఉప్పు వేసి (సేమ్యాలో ఒక సారి వేసుకున్న విషయం మర్చిపోవద్దు సుమా!) కలుపుకోవాలి.
Step 6
దీనిలో సేమ్యా వేసుకొని, మిశ్రమం బాగా కలుపుకోవాలి. ఎక్కడా ముద్దలు కాకుండా చూసుకోవాలి. ఒకసారి ఇప్పుడు ఉప్పు సరి చూసుకోండి, అంతే పుల్ల పుల్లని మామిడి సేమ్య ఉప్మా తయార్!