thamalapaaku rasam recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే తమలపాకు రసం ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

10 Minutes
Servings

1-4

కావాల్సిన పదార్ధాలు

టమాటాలు-2
తమలపాకులు-4
జీలకర్ర-1టేబుల్‌ స్పూన్‌
మిరియాలు-4
వెల్లుల్లి రెబ్బలు-3
నీరు-2 1/2 కప్పులు
పసుపు-చిటికెడు
చింతపండు- కొద్దిగా
నూనె-1టేబుల్‌ స్పూన్‌
ఉప్పు-1టేబుల్‌ స్పూన్‌
కరివేపాకు రెబ్బలు-4, ఎండు మిర్చి-1

తయారు చేయు విధానం

Step 1
ముందుగా మిక్సీ జార్‌ తీసుకుని తమలపాకు ముక్కలు, జీలకర్ర, మిరియాలు, వెల్లుల్లి రేకలు వేసి బ్లెండ్‌ చేసుకుని పక్కన పెట్టుకోవాలి.
Step 2
ఒక మందపాటి పాత్రలో నీరు పోసి స్టౌపై వుంచాలి. అందులో టమాటా ముక్కలు, చింతపండు, పసుపు, కొత్తిమీర, ఇంగువ, ఉప్పు వేసి 10 నిమిషాలు మరగనివ్వాలి.
Step 3
టమాటా ముక్కలు ఉడికిన తర్వాత ముందుగా బ్లెండ్‌ చేసి పెట్టుకున్న వెల్లుల్లి ముద్దను ఈ మిశ్రమంలో వేసి బాగా కలుపుకోవాలి.
Step 4
మూడు నిమిషాలు మరగనిచ్చి స్టౌపై నుంచి పాత్రని తీసేయాలి.
Step 5
ఇప్పుడు ఒక చిన్న ప్యాన్‌ తీసుకుని అందులో నేనె, ఆవాలు, ఎండుమిర్చి ముక్కలు, కరివేపాకు రెబ్బలు వేసి పోపు సిద్ధంచేసుకోవాలి.
Step 6
ముందుగా మరిగించి పక్కన పెట్టుకున్న రసంలో ఈ పోపుని వేసి బాగా కలపాలి. చివరిగా కొత్తిమీర తరుగుతో గార్నిష్‌ చేస్తే టమాటా తమలపాకుల రసం రెడీ!