Manchurian soup recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే మంచూరియా సూప్‌ ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

15 Minutes
Servings

1-2

కావాల్సిన పదార్ధాలు

ఉల్లిపాయ ముక్కలు-రెండు టేబుల్‌స్పూన్లు,
క్యాబేజి తురుము-ఒక కప,
క్యారట్‌ తురుము -అర కప్పు,
పుదీనా-అర టీస్పూన్‌,
నీళ్లు-రెండు కప్పులు,
మైదాపిండి-పావు కప్పు,
కార్న్‌ఫ్లోర్‌-రెండు టేబుల్‌స్పూన్లు,
సోయాసాస్‌-రెండు టేబుల్‌స్పూన్లు,
మిరియాల పొడి-అర టీస్పూన్‌,
వెల్లుల్లి రెబ్బలు-అర టీస్పూన్‌,
బటర్‌(వెన్న) -ఒక టీ స్పూన్‌,
చిల్లీసాస్‌-పావు టీస్పూన్‌,
ఉప్పు-రుచికి తగినంత,
వంటసోడా-చిటికెడు.

తయారు చేయు విధానం

Step 1
ఒక గిన్నెలో క్యాబేజి తరుము, ఉల్లిపాయ ముక్కలు, పుదీనా, చిల్లీసాస్‌, సోయాసాస్‌, ఉప్పు, వంటసోడా వేసి కలపాలి.
Step 2
తరువాత అందులో మైదాపిండి, కార్న్‌ఫ్లోర్‌ కూడా వేసి తగినంత నీరు పోసి గట్టిగా ఉండే విధంగా కలిపి ఉంచుకోవాలి.
Step 3
స్టవ్‌పై బాణలి ఉంచి అందులో నూనె పోసి అది వేడెక్కాక పిండిని చిన్న చిన్న ఉండలుగా చేసుకొని బంగారు రంగు వచ్చేంత వరకు వేగించాలి.
Step 4
మరో బాణలిలో కొద్దిగా బటర్‌ వేసి అది వేడెక్కాక సన్నగా తరిగిన వెల్లుల్లి ముక్కలు వేసి వేగించాలి.
Step 5
తర్వాత కొద్దిగా సోయాసాస్‌, చిల్లీసాస్‌ వేసి ఒక్క నిమిషం వేగించి అందులో నీళ్లు పోసి మరగనివ్వాలి.
Step 6
మరో గిన్నెలో కార్న్‌ఫ్లోర్‌లో కొద్దిగా నీళ్లు పోసి కలిపి ఆ మిశ్రమాన్ని మరుగుతున్న నీళ్లలో కలపాలి.
Step 7
సూప్‌ కాస్త చిక్కబడిన తరువాత దించి అందులో మిరియాల పొడి కలపాలి.
Step 8
ఆపైన వేగించి పెట్టుకున్న మంచూరియా బాల్స్‌ వేసి మరో ఐదు నిమిషాలు స్టవ్‌పై ఉడికించి దించేయాలి.
Step 9
సూప్‌ వేడిగా ఉన్నప్పుడే బవుల్‌లో పోసి పైన కొత్తిమీర, సన్నగా తరిగిన క్యారెట్‌ ముక్కలు వేసి సర్వ్‌ చేయాలి.