Semiya Sher recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే సేమియా షీర్‌ ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

20 Minutes
Servings

1-3

కావాల్సిన పదార్ధాలు

వెన్న - రెండు టేబుల్‌స్పూన్లు
సేమియా (వెర్మిసెల్లి) - పావు కప్పు,
పంచదార - అరకప్పు,
పాలు - మూడు కప్పులు,
డ్రైఫ్రూట్‌ ముక్కలు - కొన్ని,
కిస్‌మిస్‌, కర్జూరాలు - ఒక్కోటి రెండు టేబుల్‌ స్పూన్ల చొప్పున,
సార పప్పు - ఒక టీస్పూన,
యాలక్కాయ పొడి - అర టీస్పూన,
రోజ్‌ వాటర్‌ - రెండు టేబుల్‌ స్పూన్లు.

తయారు చేయు విధానం

Step 1
లోతైన గిన్నెలో వెన్న వేడిచేసి వెర్మిసెల్లిని బంగారు రంగు వచ్చేవరకు వేగించాలి.
Step 2
తరువాత పంచదార, పాలు పోసి పంచదార కరిగే వరకు వేడిచేయాలి.
Step 3
తరువాత డ్రైఫ్రూట్స్‌ ముక్కలు, కిస్‌మిస్‌ వేసి బాగా కలిపి సన్నని సెగ మీద మూడు నుంచి నాలుగు నిమిషాలు ఉడికించాలి.
Step 4
ఆ తరువాత తాజా కర్జూరా ముక్కలు, సార పప్పు, యాలక్కాయ పొడి, రోజ్‌వాటర్‌ కలిపి సన్నని మంటమీదే మరో రెండు నిమిషాలు ఉంచాలి.
Step 5
షీర్‌ చిక్కగా అనిపిస్తే కొన్ని వేడినీళ్లు కలపాలి. స్టవ్‌ మీద నుంచి దించి వెంటనే వేడిగా తినేయొచ్చు.
Step 6
లేదా చల్లారాక తిన్నా బాగానే ఉంటుంది. తినేటప్పుడు యాలక్కాయ పొడి కొద్దిగా చల్లుకుంటే బాగుంటుంది.