prawns noodles fry recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ప్రాన్స్, నూడుల్స్ ప్రై ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

10 Minutes
Servings

1-3

కావాల్సిన పదార్ధాలు

నూడుల్స్ - 250 గ్రాములు
చికెన్ - 100 గ్రాములు
ప్రాన్స్ - 100 గ్రాములు
ఉల్లిపొరక - 1 కప్పు
వెల్లుల్లి - 4
నూనె - 3 టీ స్పూన్స్
సోయా సాస్ - 2 టీ స్పూన్స్
ఆయిస్టర్ సాస్ - 1 టీ స్పూన్
చక్కెర - 1 టీ స్పూన్
మిరియాలపొడి - 1/4 టీ స్పూన్
ఉప్పు - తగినంత
పండు మిర్చి - 2

తయారు చేయు విధానం

Step 1
ఒక గిన్నెలో 2 లీటర్ల నీళ్లు మరిగించి నూడుల్స్ వేయాలి.
Step 2
అవి ముప్పావు వంతు ఉడికిన తర్వాత తీసి జల్లెట్లో వేసి వెంటనే దాని మీద చల్లటి నీళ్లు పోయాలి.
Step 3
దానివల్ల నూడుల్స్ ఇంకా ఉడికి మెత్తబడకుండా ఉంటాయి.
Step 4
చికెన్, రొయ్యలు కూడా సగం ఉడికించి పెట్టుకోవాలి. ప్యాన్‌లో నూనె వేడి చేసి సన్నగా తరిగిన వెల్లుల్లి వేసి దోరగా వేయించాలి.
Step 5
తర్వాత ఉడికించి చిన్నగా కట్ చేసుకున్న చికెన్ ముక్కలు, రొయ్యలు వేసి మరో రెండు నిమిషాలు పెద్దమంట మీద వేయించాలి.
Step 6
ఇందులో సోయా సాస్, ఆయిస్టర్ సాస్ వేయాలి. కొంచం వేగిన తర్వాత నూడుల్స్ వేసి కలపాలి.
Step 7
తర్వాత ఇందులో తగినంత ఉప్పు, మిరియాలపొడి, పండు మిర్చి ముక్కలు, సన్నగా తరిగిన ఉల్లిపొరక వేసి రెండు నిమిషాలు వేపి దింపేయాలి.