paneer bajji recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే పన్నీర్ బజ్జీ ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

10 Minutes
Servings

1-5

కావాల్సిన పదార్ధాలు

శనగపిండి : కప్పు,
బియ్యప్పిండి : 2 స్పూన్లు,
పనీర్‌ : 200 గ్రాములు,
జీలకర్ర : స్పూన్‌,
పచ్చిమిర్చి : 3-4,
అల్లం తరుగు : 2స్పూన్‌,
ఉల్లితరుగు : 1/2కప్పు,
కొత్తిమీర : ఒక కట్ట,
పుదీనా : ఒక కట్ట,
ఉప్పు, కారం, నూనె : తగినంత.

తయారు చేయు విధానం

Step 1
ముందుగా పాన్‌లో కొద్దిగా నూనె వేడి చేసి జీలకర్ర వేయించాలి.
Step 2
తర్వాత పచ్చిమిర్చి తరుగు, అల్లం తరుగు, ఉల్లి తరుగు కూడా వేయాలి.
Step 3
ఇవి వేగాక కొత్తిమీర తరుగు, పుదీనా తరుగు వేసి మరో నిమిషం వేయించి చల్లారనివ్వాలి.
Step 4
ఇప్పుడు ఇందులో తగినంత ఉప్పు వేసి మిక్సీలో వేసి మెత్తగా గ్రైండ్‌ చే స్తే గ్రీన్‌ చట్నీ తయారయినట్టు. దీనిని పక్కనుంచుకోవాలి.
Step 5
తర్వాత పనీర్‌ను చిన్న చిన్న స్లైసెస్‌గా చేసుకుని, మధ్యలో ఈ గ్రీన్‌ చట్నీ పెట్టుకుని పక్కన ఉంచుకోవాలి.
Step 6
శనగపిండిలో బియ్యప్పిండి, ఉప్పు, కారం, నీరు వేసి బజ్జీల పిండిలా కలుపుకోవాలి.
Step 7
ముందుగా స్టఫ్‌ చేసిన పనీర్‌ ముక్కలను శనగపిండిలో ముంచి కాగుతున్న నూనెలో వేసి వేయించుకోవాలి.
Step 8
టొమాటో సాస్‌తో సర్వ్‌ చేస్తే బాగుంటాయి.