Gutti Beerakaaya Kura Recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే గుత్తి బీరకాయ ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

30 Minutes
Servings

2-5

కావాల్సిన పదార్ధాలు

బీరకాయలు : అరకేజీ
ఉల్లిపాయముక్కలు : పావు కప్పు
ఎండుకొబ్బరి తురుము :ఒక కప్పు
నువ్వులపొడి : పావు కప్పు
జీలకర్ర : ఒక స్పూన్లు
తాలింపు గింజలు : రెండు స్పూన్లు
ఎండుమిర్చి : రెండు
కరివేపాకు : రెండు రెబ్బలు
అల్లం వెల్లుల్లిపేస్ట్ : ఒక స్పూన్
పసుపు : చిటికెడు
కారం : ఒక స్పూన్
ధనియాల పొడి : ఒక స్పూన్
చింతపండు రసం : పావుకప్పు
ఆయిల్ : సరిపడా
కొత్తిమీర : కొద్దిగా

తయారు చేయు విధానం

Step 1
ముందుగా బీరకాయలను తొక్కతీసి నాలుగు ముక్కలుగా పెద్దగా కట్ చేసుకోవాలి, ఇప్పుడు వీటికి గుత్తి వంకాయలాగా గాట్లు పెట్టుకోవాలి.
Step 2
ఇప్పుడు మిక్సీ జార్ తీసుకుని అందులో ఉల్లిపాయముక్కలు, నువ్వులపొడి, ఎండుకొబ్బరి తురుము, పసుపు, కారం, అల్లం వెల్లుల్లిపేస్ట్, ధనియాలపొడి వేసి మిక్స్ పట్టాలి.
Step 3
ఈ మిశ్రమాన్ని ఒక ప్లేట్ లోకి తీసుకుని అందులో తగినంత సాల్ట్ వేసి బాగా కలిపి పెట్టుకోవాలి , దీన్ని కట్ చేసి పెట్టుకున్న బీరకాయ ముక్క మధ్యలో స్టఫ్ చేసుకుని పెట్టుకోవాలి.
Step 4
తరువాత స్టవ్ వెలిగించి పాన్ పెట్టి ఆయిల్ వేసి వేడి ఎక్కాక అందులో తాలింపు గింజలు, జీలకర్ర, ఎండుమిర్చి, కర్వేపాకు, వేసి వేగాక అందులో స్టఫ్ చేసి పెట్టుకున్న బీరకాయముక్కలను వేసి మూతపెట్టి చిన్నమంట మీద ఉడకనివ్వాలి.
Step 5
ఇవి ఉడికాక అందులో చింతపండు రసం , కొంచెం సాల్ట్ వేసి ఒక సారి కలిపి మరల మూతపెట్టి 5 నిముషాలు ఉడకనిచ్చి కొత్తిమీర వేసి దించుకోవాలి … అంతే గుత్తి బీరకాయ రెడీ