Panchmela Dal recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే పాంచ్‌మేలా దాల్ ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

20 Minutes
Servings

1.6

కావాల్సిన పదార్ధాలు

శెనగపప్పు, పెసరపప్పు, మినపప్పు, మసూర్ దాల్ (ఎర్రపప్పు) - అన్నీ ఒక్కో కప్పు చొప్పున
వెల్లుల్లి రెబ్బలు - ఎనిమిది (కచ్చాపచ్చాగా కొట్టాలి)
అల్లం - కొద్దిగా (సన్నగా తరగాలి)
పెద్ద ఉల్లిపాయ - ఒకటి (సన్న ముక్కలుగా తరగాలి)
టొమాటోలు - నాలుగు (తరగాలి)
జీలకర్ర - ఒకటిన్నర టీస్పూన్
పచ్చిమిర్చి - ఐదు (సన్నగా తరగాలి)
కారం - అర టీస్పూన్
ఎండుమిర్చి - ఒకటి
పసుపు - చిటికెడు
వంటనూనె - మూడు టీస్పూన్లు
తాజా కొత్తిమీర - కొద్దిగా (తరగాలి)
ఉప్పు - రుచికి సరిపడా

తయారు చేయు విధానం

Step 1
పప్పులన్నిటినీ శుభ్రంగా కడిగి లోతైన గిన్నెలో వేసి ఆరు కప్పుల నీళ్లు, కాస్త ఉప్పు, పసుపు వేసి ఉడికించాలి.
Step 2
పప్పులు అడుగంటకుండా, ఉండలు కట్టకుండా మధ్యమధ్యలో కలుపుతూ పావుగంటసేపు ఉడికించాలి.
Step 3
ఈ లోగా తాలింపుకి సిద్ధం చేసుకోవాలి. పెద్ద గిన్నెలో నూనె వేడి చేసి అందులో జీలకర్ర, అల్లం, వెల్లుల్లి, పచ్చిమిర్చి ముక్కలు ఆ వరసలో వేసి కొన్ని నిమిషాలు వేగాక టొమాటో ముక్కలు వేయాలి.
Step 4
కొద్దిగా బ్రౌన్ రంగుకి వచ్చాక ఉప్పు, పసుపు, కారం వేసి ఓ మాదిరి మంట మీద ఉడికించాలి.
Step 5
తర్వాత పప్పు మిశ్రమాన్ని వేసి నెమ్మదిగా కదపాలి. పైన కొత్తిమీర చల్లి అలంకరించాలి. వేడివేడిగా తింటే బాగుంటుంది.