kadai Chole recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే కడై చోలే ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

30 Minutes
Servings

1-5

కావాల్సిన పదార్ధాలు

కాబూలీ శనగలు - 250 గ్రా.
ఉల్లి తరుగు - 50 గ్రా.
టొమాటో తరుగు - 75 గ్రా
పచ్చిమిర్చి - 4
అల్లం వెల్లుల్లి పేస్ట్ - అరటీస్పూన్
పుదీనా తరుగు - అరకప్పు
కొత్తిమీర తరుగు - కొద్దిగా
బిరియానీ ఆకులు - మూడు
పసుపు - చిటికెడు
నూనె - 25 గ్రా.
మిరప్పొడి - అరటీస్పూన్
చోలే మసాలా - అరటీస్పూన్
ఆమ్ చోర్ పౌడర్ - అరటీస్పూన్
గరం మసాలా - పావుటీస్పూన్
ఉప్పు - తగినంత

తయారు చేయు విధానం

Step 1
శనగలను ముందురోజు రాత్రి నానబెట్టి, మరుసటి రోజు నీరంతా తీసేసి కుకర్ లో సుమారు అరగంట సేపు ఉడికించాలి.
Step 2
బాణలిలో నూనె వేసి కాగాక, బిరియానీ ఆకు, గరం మసాలా వేసి వేగాక, ఉల్లితరుగు వేసి గోధుమ రంగులోకి వచ్చే వరకు వేయించాలి.
Step 3
అల్లం, వెల్లుల్లి పేస్ట్ వేసి రెండు నిముషాలు వేగాక, టొమాటో తరుగు, మిగతా పదార్థాలు కూడా ఒక్కదాని తర్వాత ఒకటి వేసి దోరగా వేయించుకోవాలి.
Step 4
ఉడికించిన శనగలో పావుకప్పు శనగలను మెత్తగా చేసి పై మిశ్రమంలో కలపాలి.
Step 5
మూడు లేక నాలుగు నిమిషాల తర్వాత నీరు లేకుండా శనగలు పై మిశ్రమంలో వేసి, రుచికి తగ్గట్టు ఉప్పు కలిపి కొంచెం సేపు ఉడకనివ్వాలి.
Step 6
తర్వాత ఒక కడాయిలోకి తీసుకొని కొత్తిమీరతో గార్నిష్ చేసుకొని వడ్డించాలి.