Sorakaya kootu recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే సొరకాయ కూటు ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

20 Minutes
Servings

2-4

కావాల్సిన పదార్ధాలు

పచ్చి శనగ పప్పు : కప్పు (నీటిలో ఓ గంట పాటు నానపెట్టాలి)
సొరకాయ ముక్కలు : ఒకటిన్నర కప్పు
పసుపు : చిటికెడు
కొబ్బరి పొడి : చిన్న కప్పు
పచ్చిమిరపకాయలు : మూడు లేదా నాలుగు
జీలకర్ర : అర టీస్పూను
ఆవాలు : టేబుల్ స్పూను
ఎండుమిరపకాయలు : రెండు లేదా మూడు
ఇంగువ : చిటికెడు
కరివేపాకు : కొద్దిగా
నూనె : తగినంత

తయారు చేయు విధానం

Step 1
ముందుగా కొబ్బరి పొడి, పచ్చి మిరపకాయలు, జీలకర్ర మూడింటిని కొద్దిగా నూనె పోసి ముద్దగా నూరుకోవాలి.
Step 2
ఇప్పుడు మందపాటి గిన్నె లేదా బాండిలో కప్పు నీరు పోసి నానపెట్టి పెట్టుకున్న శనగపప్పు, సొరకాయ ముక్కలు వేసి ఉడికించుకోవాలి.
Step 3
కుక్కర్లో అయితే ఒకటి రెండు విజిల్స్ రాగానే దింపేసుకోవాలి.
Step 4
ఆ నీరు ఒంపకుండా అందులోనే రుబ్బి పెట్టుకున్న కొబ్బరి ముద్ద, ఉప్పు, పసుపు వేసి కూర ముద్దగా అయ్యేంత వరకు ఉడికించాలి.
Step 5
ఇప్పుడు మరొక గిన్నెలో నూనె వేసి ఆవాలు, జీలకర్ర, మినపప్పు, ఎండుమిరపకాయలు, ఇంగువ వేసి వేయించుకోవాలి.
Step 6
చివరగా ఇంగువ కూడా జతచేసి ఈ తిరగమోతను ఉడుకుతున్న సొరకాయ కూటుకు జతచేయాలి. చివరగా కరివేపాకు, కొత్తిమీర, చల్లి దించేయాలి. ఇది చపాతీల్లోకి చాల రుచిగా ఉంటుంది.