Gaddi Junnu Recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే గడ్డి జున్ను ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

30 Minutes
Servings

2-8

కావాల్సిన పదార్ధాలు

1గడ్డి జున్ను ప్యాకెట్ ( ఇది వంట సరుకులు దొరికే షాపుల్లో దొరుకుతుంది. )
1 /2 లీటర్ పాలు,
ఒక పెద్ద గ్లాస్ పంచదార,
కొద్దిగా నెయ్యీ.

తయారు చేయు విధానం

Step 1
స్టవ్ మీద ఒక గిన్నెలో కొద్దిగా నీళ్ళు పోసుకొని అవి కొద్దిగా వేడిగా అవ్వగానే స్టవ్ ఆపెయ్యాలి. దానిలో గడ్డి జున్ను ప్యాకెట్లోని గడ్డిని చిన్న ముక్కలుగా చేసుకొని వెయ్యాలి.
Step 2
ఒక పది నిముషాలు అయీన తరువాత నీళ్ళు పిండేసి గడ్డిని మాత్రమే వేరే దానిలోకి తీసుకోవాలి.
Step 3
ఇప్పుడు స్టవ్ మీద ఒక మందపాటి గిన్నెలో పాలు పోసి మరగ నివ్వాలి.తరువాత పంచదార వేసి కరగ నివ్వాలి.
Step 4
తరువాత పిండేసిన గడ్డిని వేసి తిప్పుతూ ఉండాలి.మొత్తం గడ్డి కరిగి పాలు చిక్కగా అయ్యే అంతవరకూ ఉంచాలి.
Step 5
ఇప్పుడు స్టవ్ ఆపెయ్యాలి. తరువాత ఒక ప్లేట్ లోగాని లేకపోతే గిన్నెల్లో గాని నెయ్యీ వేసి దానిలో మొత్తం కలిసే తట్లుగా రుద్దాలి.
Step 6
తరువాత ఆ మిశ్రమాన్ని ప్లేట్ లో పోసుకోవాలి. గట్టిగ అయీన తరువాత ముక్కలు కొయ్యాలి. అంతే ఎంతో రుచికరమైన గడ్డి జున్ను రెడీ.