bachali kanda kura

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే బచ్చలి.. కంద కూర ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

20 Minutes
Servings

2-3

కావాల్సిన పదార్ధాలు

బచ్చలి కూర. 2 కట్టలు
కంద. 1/4 కేజీ
చింతపండు. కాస్తంత
ఉప్పు. సరిపడా
ఆవాలు. 4 టీస్పూన్
నూనె. 4 టీస్పూన్
పచ్చిమిర్చి. 4
ఎండుమిర్చి. 4
శెనగపప్పు. 1 టీస్పూన్
మినప్పప్పు. 1 టీస్పూన్
కరివేపాకు. 2 రెమ్మలు

తయారు చేయు విధానం

Step 1
కంద చెక్కు తీసి చిన్నముక్కలుగా కోసుకోవాలి. బచ్చలి కూరని సన్నగా తరగాలి.
Step 2
రెండింటినీ శుభ్రంగా కడిగి పసుపు వేసి కుక్కర్‌లో ఉడికించి దించి, చిల్లుల పళ్లెంలో వేసి నీరు పిండాలి.
Step 3
చింతపండును కొంచెం నీళ్లల్లో నానబెట్టి గుజ్జు తీయాలి. ఆవాలను మెత్తగా నూరి ఉంచాలి.
Step 4
బాణెలి లో నూనె వేసి కాగాక శెనగపప్పు, మినప్పప్పు, ఎండుమిర్చి ముక్కలు వేయాలి.
Step 5
అవి ఎర్రగా అయ్యాక అల్లం, పచ్చిమిర్చి ముక్కలు, కరివేపాకు వేసి రెండు నిమిషాలు వేయించాలి.
Step 6
ఆపై ఉడికించిన కూరను అందులో వేసి చింతపండు గుజ్జు, ఉప్పు వేసి కలపాలి. అయిదు నిమిషాలయ్యాక దించి, ఆవాల ముద్దను వేసి బాగా కలిపితే కూర తయార్‌.