capsicum chutney recipe

క్యాప్సికం అంటే చాలా మందికి నచ్చకపోవచ్చు. కానీ, ఇందులో ఎన్నో పోషకాలు వుంటాయి. తెలుగు రాష్ట్రాల్లో కొన్ని ప్రాంతాల్లో కొంత కాలం క్రితం వరకు దీని గురించి తెలీనప్పటికీ, ఇప్పుడిప్పుడు మార్కెట్లు దీనిని వేరే ప్రాంతాల నుంచి దిగుమతి చేసి దాదాపు అందరికి చేరవేస్తున్నాయి. దీనితో రకరకాల వంటకాలు చేసుకోవచ్చు. మసాలా కర్రీలే కాదు... పచ్చడి కూడా చేయొచ్చు. అది ఎలాగో ఇప్పుడు చూద్దాం.

Prep Time

15 Minutes
Cooking Time

20 Minutes
Servings

4

కావాల్సిన పదార్ధాలు

రెండు పెద్ద పెద్ద (ఎరుపు/ఆకుపచ్చ) క్యాప్సికం
నాలుగు ఎండు మిర్చి - 4,
ఎనిమిది వెల్లుల్లి రెబ్బలు - 8,
ఒక్కో టేబుల్ స్పూన్ నూనె, చింతపండు గుజ్జు, శనగపప్పు, మినప్పప్పు ఆవాలు
నాలుగు రెబ్బలు కరివేపాకు
రుచికి సరిపడా ఉప్పు

తయారు చేయు విధానం

Step 1
క్యాప్సికంలను శుభ్రంగా కడిగి, పెద్ద పెద్ద ముక్కలుగా తరగి పెట్టుకోవాలి.
Step 2
ఒక కడాయిలో అర టేబుల్ స్పూను నూనె వేసి పప్పులు , ఎండుమిర్చి దోరగా వేగించాలి.
Step 3
అందులోనే వెల్లుల్లి, క్యాప్సికం ముక్కలు, చింతపండు గుజ్జు ఒకదాని తర్వాత ఒకటి వేయాలి.
Step 4
ముక్కలు మగ్గాక చల్లార్చి ఉప్పు కలిపి మిక్సీలో మెత్తగా రుబ్బి ఆ మిశ్రమాన్ని పక్కనపెట్టుకోవాలి.
Step 5
ఆ తర్వాత మిగతా చట్నీలకు పోపు వేసుకున్నట్లే ఆవాలు, కరివేపాకుతో పోపు పెట్టాలి.
Step 6
ఈ చట్నీని అన్నంతో పాటు చపాతీ ముఖ్యంగా బ్రేక్ పాస్ట్ ఇడ్లీ, దోశల్లోకి కూడా బాగుంటుంది. పులుపు ఇంకా కావాలనుకునేవారు నిమ్మకాయ పిండుకోవటంగానీ, లేక ఓ టీ స్పూన్ చింతపండు గుజ్జు అదనంగా వేసుకోవటం గానీ చేయొచ్చు.