spinach garlic rice| brown rice recipe| healthy rice recipe

రైస్ తో వండే వంటలు ఎప్పుడూ చాలా సులభంగా మరియు త్వరగా తయారుచేసుకోవచ్చు . ముఖ్యంగా మహిళలకు రైస్ వెరైటీ వంటలు చాలానే తెలిసి ఉంటాయి . అలాంటి రైస్ రిసిపిలలో టమటా రైస్, ఆలూ రైస్, జీరా రైస్ చాలా సాధారణంగా చేసుకొనే వంటలు . ఆకుకూరలతో కూడా రుచికరమైన రైస్ రిసిపిని తయారుచేసుకోవచ్చన్న విషయం మీకు తెలుసా. ఇది చాలా డిఫరెంట్ రిసిపి. ఈ వంటను ఎప్పుడైనా ప్రయత్నించవచ్చు. ఆకుకూరల్లో పోషకాలు అధికంగా ఉన్న గ్రీన్ లీఫీ వెజిటేబుల్. ఇందులో విటమిన్ కె, సి, లు మరియు ఓమేగా 3 ఫ్యాటీ యాసిడ్స్, ఐరన్ పుష్కలంగా ఉండి రక్తప్రసరణ వ్యవస్దకు సహాయపడుతాయి. కాలీఫ్లవర్ గర్భినీ స్త్రీలకు చాలా ఉపయోగకరమైనవి . ఇది పొట్టలో పెరిగే బేబీ యొక్క బ్రెయిన్ డెవలప్మెంట్ కు సహాయపడుతుంది. కాబట్టి గర్భిణీ స్త్రీలు కూడా రెగ్యులర్ గా తిన వచ్చు. మరి ఈ స్పినాచ్-గార్లిక్ రైస్ ను ఎలా తయారుచేయాలో తెలుసుకుందామా.

Prep Time

25 Minutes
Cooking Time

30 Minutes
Servings

1or 2

కావాల్సిన పదార్ధాలు

నాలుగు కప్పులు సన్నగా తరిగిన పాలకూర
రెండు కప్పులు అన్నం
ఒక టీ స్పూన్ జీలకర్ర
ఒక కప్పు ఉల్లిపాయ తరుగు
అర కప్పు వెల్లుల్లి రెబ్బలు
ఒక కప్పు టమటా తరుగు
రెండు టీ స్పూన్లు‌ అల్లం, వెల్లుల్లి పేస్ట్
రుచికి తగినంత‌ ఉప్పు
తగినంత‌ నూనె

తయారు చేయు విధానం

Step 1
ముందుగా పాలకూర తరుగును శుభ్రంగా కడిగి, మిక్సీ జార్లో తీసుకొని మెత్తగా గుజ్జులా చేసుకుని పక్కన పెట్టుకోవాలి.
Step 2
తర్వాత ఒక పాత్ర తీసుకొని అందులో నూనె వేసి వేడి చేస్తూ జీలకర్ర, ఉల్లిపాయ ముక్కలు, వెల్లుల్లి రెబ్బలు వేసి వేయించుకోవాలి.
Step 3
తర్వాత టమటా తరుగు, అల్లం, పచ్చిమిర్చి పేస్ట్ వేసి ఐదునిముషాల పాటు ఈ మొత్తం మిశ్రమాన్ని వేగించుకొన్నాక ముందుగా తయారుచేసి పెట్టుకున్న పాలకూర గుజ్జు, కొద్దిగా ఉప్పు వేసి బాగా కలపాలి.
Step 4
పాలకూరలో పచ్చివాసన పోయేదాక వేయించి, ఆపై అన్నం కూడా వేసుకుని కలిపి సన్నని మంటపై వేయించాలి. అన్నం బాగా వేడయ్యాక దింపేస్తే చాలు. అంతే స్పినాచ్-గార్లిక్ రైస్ రెడీ.