tomato fish curry recipe cooking tips

సాధారణంగా చేసుకునే ఫిష్ వంటకాల్లో ఒకటైన ‘టమోటా ఫిష్ కర్రీ’ కాస్త ప్రత్యేకమైన రుచిని కలిగి వుంటుంది. చాలావరకు ఈ వంటకాన్ని స్పెషల్ వీకెండ్స్’లో మాత్రమే తయారుచేసుకుంటారు.

దీనిని టమోటాలతోబాటు కొన్ని ఇండియన్ మసాలా దినుసులు, చింతపండు గుజ్జును మిక్స్ చేసి చేయడం వల్ల స్పైసీ టేస్ట్’ని కలిగి వుంటుంది. పైగా.. చేపలు ఆరోగ్యానికి చాలామంచిది కాబట్టి.. ఈ రకమైన వంటకాలను వారానికి రెండుసార్లు చేసుకుంటే ఎంతో శ్రేయస్కరం. మరి ఈ వంటకాన్ని ఎలా చేస్తారో తెలుసుకుందామా...

Prep Time

30 Minutes
Cooking Time

40 Minutes
Servings

5-6

కావాల్సిన పదార్ధాలు

8-10 పీసెస్ చేపముక్కలు
2 టీ స్పూన్స్ రెడ్ చిల్లీ పేస్ట్
6-8 టమోటాలు (మీడియం సైజ్’లో కట్ చేయాలి)
8-10 బంగాళదుంపలు (స్లైసెస్’గా కట్ చేయాలి)
1-3 ఉల్లిపాయలు ( సన్నగా తరగాలి)
6-8 వెల్లుల్లి రెబ్బలు (సన్నగా తరగాలి)
కొద్దిగా కరివేపాకు
1 టీ స్పూన్ జీలకర్ర పొడి
రుచికి తగినంత ఉప్పు
కొద్దిగా కొత్తిమీర తరుగు
2 టీ స్పూన్స్ చింతపండు గుజ్జు
2 టీ స్పూన్స్ కొబ్బరి నూనె

తయారు చేయు విధానం

Step 1
చేపముక్కలను శుభ్రంగా కడిగేసుకున్న తర్వాత వాటిని పసుపు, ఉప్పుతో మ్యారినేట్ చేసి పక్కన పెట్టుకోవాలి.
Step 2
ఇప్పుడు ఒక పాన్ తీసుకుని అందులో నూనె వేసి వేడి చేయాలి. నూనె కాగిన తర్వాత కరివేపాకు వేసి ఫ్రై చేయాలి. అలాగే వెల్లుల్లి రెబ్బలు కూడా వేసి బ్రౌన్ కలర్ వచ్చేవరకూ ఫ్రై చేయాలి.
Step 3
తర్వాత అందులోనే ఉల్లిపాయ ముక్కలు, జీలకర్ర, ఉప్పు వేసి ఓ నిముషంపాటు వేయించాలి. అనంతరం టమోటా పేస్ట్ వేసి మొత్తం మిశ్రమాన్ని కలియబెడుతూ 10 నిముషాలవరకు ఉడికించుకోవాలి.
Step 4
అలా ఉడికించిన తర్వాత రెడ్ చిల్లీ పేస్ట్ వేసి మరో 5 నిముషాలవరకు వేయించాలి. తర్వాత బంగాళదుంపలు చేర్చి వేడి చేయాలి. ఈ మొత్తం మిశ్రమాన్ని చిక్కగా గ్రేవీ అయ్యేంతవరకు వేయించుకోవాలి.
Step 5
గ్రేవీ ఏర్పడిన తర్వాత అందులో మ్యారినేట్ చేసి పెట్టుకున్న ఫిష్ ముక్కలను వేసి, ఆ పాత్రకు మూతపెట్టి 10 నిముషాలవరకు మీడియం మంటమీద వేయించాలి.
Step 6
చివరగా మూతతీసి చింతపండు గుజ్జును అందులో వేసి 1 నిముషంపాటు వేయించాలి. ఇక స్టౌవ్ ఆఫ్ చేసి కొత్తిమీర తరుగుతో గార్నిష్ చేసుకోవాలి. అంతే! టమోటా ఫిష్ కర్రీ రెడీ!