potato ball recipe cooking tips evening snacks special

బంగాళదుంపలతోబాటు ఇతర కూరగాయలతో తయారయ్యే ఈ రిసిపీ ఎంతో టేస్టీగా వుంటుంది. సాధారణ వంటకాలు తిని బోర్ కొట్టినప్పుడు దీనిని చేసుకుంటే కాస్త స్పెషల్’గా అనిపిస్తుంది. పైగా దీని తయారీవిధానం చాలా సింపుల్, తక్కువ సమయంలోనే ముగిసిపోతుంది. మరి.. దీన్నెలా చేస్తారో తెలుసుకుందామా..

Prep Time

25 Minutes
Cooking Time

15 Minutes
Servings

2-5

కావాల్సిన పదార్ధాలు

3-4 బంగాళదుంపలు (మీడియం సైజ్’లో కట్ చేయాలి)
1 కప్ క్యారెట్, బీన్స్, క్యాబేజీ తురుము
1-2 గుడ్లు
1/2 కప్ సన్న సేమ్యా
వేయించడానికి సరిపడా నూనె
రుచికి తగినంత ఉప్పు

తయారు చేయు విధానం

Step 1
ముందుగా బంగాళదుంపలను నీటిపాత్రలో వేసి కొద్దిసేపు ఉడికించుకోవాలి. అనంతరం క్రిందకు దించేసి చల్లారిన తర్వాత ముద్దగా చేసుకోవాలి. అందులో తగినంత ఉప్పు కలుపుకోవాలి.
Step 2
మరోవైపు క్యారెట్, బీన్స్, క్యాబేజీ తురుములను ఒక కప్పులో వేసి బాగా కలుపుకోవాలి. ఈ మిశ్రమంలో తగినంత ఉప్పు కలిపి మరోసారి కలియబెట్టుకోవాలి.
Step 3
ఒక బౌల్ తీసుకుని అందులో గుడ్డుసొన వేసి బాగా గిలక్కొట్టుకుని వుంచుకోవాలి. అలాగే ఒక ప్లేట్’లో సన్న సేమ్యాను తీసుకుని పెట్టుకోవాలి.
Step 4
ఇప్పుడు అరచేతికి నూనె రాసుకుని.. ఇదివరకు ముద్దగా చేసుకున్న బంగాళదుంపను కొద్దిగా తీసుకుని పరుచుకోవాలి. ఆ ముద్ద మధ్యలో ఇదివరకు కలుపుకున్న కూరగాయల తురుమును వేసి.. ఆ ముద్దను మూసేసి బాల్స్’లా చేసుకోవాలి.
Step 5
ఇలా బాల్స్’లా చేసుకున్న ఈ పొటాటో ముద్దలను గుడ్డుసొనలో దొర్లించాలి. అలాగే ప్లేటులో పరుచుకున్న సేమ్యాలో కూడా దొర్లించి పక్కన పెట్టుకోవాలి.
Step 6
ఇప్పుడు ఒక పాన్ తీసుకుని అందులో నూనె వేసి వేయించాలి. నూనె కాగిన తర్వాత అందులో ఇదివరకు తయారుచేసిన పొటాటో ముద్దలను వేసి, బంగారు రంగులో వచ్చేవరకు వేయించాలి. అంతే! పొటాటో బాల్స్ రెడీ!