baadshah sweet recipe making tips special ocassions food item

స్వీట్లలో బాద్‌షా స్థానం ప్రత్యేకమైంది. అందుకే దీనికలా పేరొచ్చిందని అంటుంటారు. చిన్నపిల్లల నుంచి పెద్దలవరకు ఈ స్వీట్’ను ఎంతో ఇష్టంగా తీసుకుంటారు. ఇదెంతో రుచిగి, శుచిగా వుంటుంది.

సాధారణంగా ఈ బాద్‌షా మార్కెట్లలో లభ్యమవుతుందని కానీ.. పండుగ సందర్భాల్లో మాత్రం తమతమ ఇళ్లలో ప్రత్యేకంగా తయారుచేసుకుంటారు ప్రజలు. ముఖ్యంగా దీపావళి పండుగనాడు ఈ స్వీట్’ను చేసుకుంటారు. మరి.. దీనిని ఎలా చేస్తారో తెలుసుకుందామా...

Prep Time

25 Minutes
Cooking Time

15 Minutes
Servings

2-6

కావాల్సిన పదార్ధాలు

1 కేజీ చక్కెర
1/2 కేజీ మైదా
200 గ్రాములు డాల్డా
10 గ్రాములు నెయ్యి
1/2 లీటర్ నీరు
1/2 టీ స్పూన్ తినే సోడా
1 టీ స్పూన్ యాలకుల పొడి
తయారీకి సరిపడేంత రీఫైండ్ ఆయిల్

తయారు చేయు విధానం

Step 1
ఒక పాత్రలో మైదా, సోడా, డాల్డాలు వేసి.. తగినంత నీళ్లు పోసి ఒక ముద్దలా కలుపుకోవాలి. ఆ ముద్దను చిన్నచిన్న ఉండలుగా చేసుకోవాలి. ఒక్కొ ఉండానికి మధ్యలో చిన్నపాటి గుంట వుండేలా చేయాలి.
Step 2
ఇప్పుడ బాణలి తీసుకుని అందులో కొద్దిగా నూనె వేసి వేడి చేయాలి. నూనె కాగిని తరువాత ఇదివరకు చేసి పెట్టుకున్న మైదా వుండలను అందులో వేసి.. దోరగా వేయించాలి. అలా అన్ని వుండలను వేయించిన అనంతరం పక్కన పెట్టుకోవాలి.
Step 3
మరొక పాత్రను తీసుకుని అందులో తగినన్ని నీళ్లు, పంచదార వేసి బాగా కలియబెట్టి.. మీడియ మంట మీద తీగపాకం వచ్చేవరకు మరగించాలి. అనంతరం యాలకుల పొడి, నెయ్యి వేసి వేయించిన కొద్దిసేపటి తర్వాత దించేయాలి.
Step 4
ఈ పంచదార మిశ్రమాన్ని ఇదివరకు వేయించి పక్కన పెట్టుకున్న బాద్‌షాలకు వేయాలి. అలాగే పాకంలో వాటిని 10 నిముషాలపాటు నానబెట్టి తీసేయాలి. అంతే! తీపికరమైన బాద్‌షా స్వీట్ రిసిపీ రెడీ!