butter fish fry recipe making healthy food item omega 3 fatty acids

చేపల్లో ఎన్నోరకాల జాతులున్నాయని అందిరికీ తెలిసిందే! అందులో ఒక్కొక్కదానిలో ఒక్కొక్క విధమైన ఆరోగ్య లక్షణాలు వుంటాయి. కొన్ని హానికరమైనవిగా వుంటే.. మరికొన్ని పోషక విలువలతో నిండి ఆరోగ్యాన్ని మెరుగుపరుస్తాయి.

ఆరోగ్యకరమైన చేపల విషయాలకొస్తే.. అందులో బటర్ ఫిష్ కూడా ఎంతో మంచిది. ఇందులో ఒమేగా 3 ఫ్యాటీ యాసిడ్స్ పుష్కలంగా వుంటాయి. ఈ యాసిడ్స్ శరీరంలో వ్యాధినిరోధక శక్తిని పెంచడంతోబాటు జీర్ణక్రియను మెరుగుపరుస్తుంది. కంటికి కూడా చాలా మంచిది కాబట్టి.. దీనిని ఎలా చేస్తారో తెలుసుకుందాం...

Prep Time

40 Minutes
Cooking Time

45 Minutes
Servings

3-6

కావాల్సిన పదార్ధాలు

1 కేజీ చేప ముక్కలు
2 టీ స్పూన్లు మైదా పిండి
వంటకు సరిపడేంత బట్టర్
2 టీ స్పూన్లు కార్న్ ఫ్లోర్
1 టీ స్పూన్ బేకింగ్ పౌడర్
2 టీ స్పూన్లు వెల్లుల్లి, కొత్తిమీర తురుము
రుచికి సరిపడేంత ఉప్పు

తయారు చేయు విధానం

Step 1
ముందుగా చేప ముక్కలను శుభ్రంగా కడిగేసుకుని పక్కనపెట్టుకోవాలి. అవసరమైతే ఆ ముక్కలకు ఉప్పు పట్టించి.. కొద్దిసేపటివరకు పక్కన పెట్టుకోవచ్చు. తర్వాత నీటిలో కడిగేసుకుని కూరలో ఉపయోగించుకోవచ్చు. (ఉప్పుతో మ్యారినేట్ చేసి పెడితే.. ముక్కలు పాడవకుండా చాలాసేపటివరకు వుంటాయి.)
Step 2
ఒక మిక్సీ జార్ తీసుకుని అందులో వెల్లుల్లి తురుము, మైదా, కార్న్ ఫ్లోర్, బేకింగ్ పౌడర్, తగినంత ఉప్పు వేసి కలుపుకోవాలి. మిక్స్ చేసిన తర్వాత అందులోనే కొద్దిగా నీళ్లు పోసి జారుడుగా గట్టిగా చేసుకోవాలి.
Step 3
ఈ మసాలా మిశ్రమాన్ని ఇదివరకు శుభ్రం చేసుకున్న చేపముక్కలకు పట్టించాలి. మసాలాను పట్టించిన అనంతరం చేపముక్కలను అరగంటపాటు పక్కన పెట్టుకోవాలి.
Step 4
ఒక నాన్’స్టిక్ పాత్ర తీసుకుని అందులో వెన్న వేసి వేడి చేయాలి. ఆ వెన్న కరిగిన తర్వాత అందులో ఇదివరకు మ్యారినేట్ చేసి పక్కన పెట్టుకున్న చేపముక్కలను వేసి దోరగా రెండువైపులా ఫ్రై చేసుకోవాలి. అంతే! బటర్ ఫిష్ ఫ్రై రెడీ!