Chilagadadumpa Parota

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే చిలగడదుంప పరాఠా ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

25 Minutes
Servings

3

కావాల్సిన పదార్ధాలు

చిలగడదుంపలు - ఒక కప్పు (ఉడికించి, మెదిపి),
గోధుమపిండి - రెండు కప్పులు,
నిమ్మరసం - ఒక టేబుల్‌స్పూన్,
ఉప్పు- రుచికి సరిపడా,
నూనె - వేగించడానికి సరిపడా.
కారపు ముద్ద:
పచ్చిమిర్చి - నాలుగు,
అల్లం - చిన్న ముక్క,
కొత్తిమీర, పుదీనా - కొద్దిగా.
పొడి మసాలా:
ధనియాలు- జీలకర్ర పొడి - రెండు టీస్పూన్లు,
ఆమ్‌చూర్ పొడి- ఒక టీస్పూన్,
గరం మసాలా - అర టీస్పూన్.

తయారు చేయు విధానం

Step 1
గోధుమపిండిలో చిటికెడు ఉప్పు, రెండు టీస్పూన్ల నూనె వేసి కొద్దిగా నీళ్లు పోసి గట్టి ముద్దలా కలపాలి.
Step 2
మెదిపిన చిలగడదుంపల్లో పచ్చిమిర్చి, అల్లం, కొత్తిమీర, పుదీనా, ధనియాలు-జీలకర్ర పొడి, ఆమ్‌చూర్ పొడి, గరం మసాలాలతో పాటు నిమ్మరసం, ఉప్పు వేసి మెత్తటి ముద్దలా కలపాలి.
Step 3
ఈ ముద్దని చిన్న చిన్న ఉండలుగా చేసి పక్కన పెట్టాలి. ముందు కలిపి పెట్టిన పిండి ముద్ద నుంచి కొంచెం పిండిని తీసుకుని, నూనె చేతులకి రాసుకుని కప్పు ఆకారంలో చేయాలి.
Step 4
ఇందులో చిలగడదుంప ఉండని ఉంచి కప్పుని మూసేసి చదునుగా చేసి పరాఠాలా ఒత్తాలి.
Step 5
తరువాత పెనం మీద వేసి ఓ మాదిరిమంట మీద రెండువైపులా కాల్చాలి. తరువాత వాటికి నెయ్యి పూసి మంట పెంచి ముదురు రంగు వచ్చే వరకు వేగించాలి.
Step 6
ఈ పరాఠాల్ని వేడివేడిగా నచ్చిన చట్నీతో లాగించొచ్చు.