Sabudana khichdi

పండుగ సందర్భాలలో చాలా మంది ఉపవాసం ఉంటారు. ఉపవాసం అయిన తరువాత తేలికగా జీర్ణం అయ్యే పదార్థాలు తినాలి. ఈ సందర్భాలలో సాబుదాన్ కిచిడి చాలా బాగుంటుంది. ఇది తెలికగా అరుగుతుంది. తయారు చేసుకోవడము కూడా సులభం.

Prep Time

2 Hour 10 Minutes
Cooking Time

25 Minutes
Servings

2

కావాల్సిన పదార్ధాలు

1 కప్పు సగ్గుబియ్యం (సాబుదాన్)
2 ఆలుగడ్డలు
గుప్పెడు పచ్చిబఠానీలు
1 కప్పు కొబ్బరి తురుము
1 టీ స్పూన్ జీలకర్ర
1 టీ స్పూన్ నెయ్యి
2 పచ్చిమిర్చి
కొద్దిగా కొత్తిమీర తరుగు
1 టీ స్పూన్ పంచదార
తగినంత ఉప్పు

తయారు చేయు విధానం

Step 1
ముందుగా ఒక కప్పు సగ్గుబియ్యంలో 2 కప్పులు నీళ్ళు పోసి రాత్రంతా నాననివ్వాలి.
Step 2
పాన్ లో కొద్దిగా నెయ్యి వేసి, కరిగిన తర్వాత అందులో జీలకర్ర, పచ్చిమిర్చి వేసి ఒక నిముషం వేగించుకోవాలి.
Step 3
అందులో కట్ చేసిన బంగాళదుంప ముక్కలు వేసి బాగా మిక్స్ బ్రౌన్ కలర్ వచ్చే వరకూ మీడియం మంట మీద వేగించుకోవాలి.
Step 4
ఇప్పుడు పచ్చిబఠానీలను వేసి ఫ్రై చేసుకోవాలి. అలాగే కొబ్బరి తురుము మీరు కలుపుకోవాలంటే, ఇప్పుడే వేసేయండి. (కొంత మంది కొబ్బరి తురుమును కిచిడికి వాడరు/కాబట్టి మీకు అవసరం అయితేనే ఉపయోగించండి).
Step 5
నానపెట్టిన సగ్గుబియ్యం వేసి కలిపి, ఉప్పు, పంచదార వేసి మరో 10 నిమిషాలు ఉడికించుకోవాలి. చివరగా కొత్తిమీర వేసి దించాలి. ఇది వేడివేడి సర్వ్ చేస్తే బాగుంటుంది.