punjabi dal tadka recipe making healthy lunch dinner food

కొన్ని వంటకాలు ప్రాంతాలవారీగా ఎంతో ఫేమస్ అయి వుంటాయని తెలిసిందే! ఏ విధంగా అయితే హైదరాబాద్ బిర్యానీ ఫేమస్ అయిందో.. అలాగే ఇతర ప్రాంతాలకు సంబంధించి కొన్ని ప్రత్యేకమైన వంటకాలు ఫేమస్ అయి వుంటాయి. అందులో భాగంగా ‘పంజాబీ దాల్ తడ్కా’ ఒకటి!

నిజానికి దాల్ తడ్కా వంటకం అన్నిప్రాంతాల్లోనూ తయారుచేస్తారు కానీ.. వాటన్నింటికంటే పంజాబీ దాల్ తడ్కా చాలా ఫేమస్! ఇతర వంటకాలతో పోల్చుకుంటే ఇది ఎంతో రుచికరంగా వుంటుంది. మసాలా దినుసులు జోడించి తయారయ్యే ఈ వంటకం ఎంతో టేస్టీగా వుంటుంది. పంజాబ్’లో ఈ వంటకం ఎంత ఫేమస్ అంటే.. చివరకు ఢాబాల్లో కూడా దీని డిమాండ్ చాలావరకు వుంటుంది.

Prep Time

20 Minutes
Cooking Time

20 Minutes
Servings

5-8

కావాల్సిన పదార్ధాలు

1/2 కప్ పెసరపప్పు
2 - 4 టమోటాలు (తరిగినవి)
1 లేదా అర అంగుళం అల్లం (ముక్కలుగా కట్ చేయాలి)
1 లేదా 2 ఉల్లిపాయలు (సన్నగా కట్ చేయాలి)
2 - 4 పచ్చిమిర్చి (సన్నగా తరిగినవి)
2 - 3 ఎండుమిర్చి
1 లేదా 2 బిర్యానీ ఆకులు
2 టేబుల్ స్పూన్స్ కొత్తిమీర తరుగు
1 టేబుల్ స్పూన్ జీలకర్ర
1 టేబుల్ స్పూన్ ఆవాలు
3 టేబుల్ స్పూన్స్ నెయ్యి
2 టేబుల్ స్పూన్స్ నూనె
చిటికెడు పసుపు
చిటికెడు ఇంగువ
రుచికి తగినంత ఉప్పు

తయారు చేయు విధానం

Step 1
స్టౌవ్ మీద ప్రెజర్ కుక్కర్ తీసుకుని అందులో కాస్త నూనె వేసి వేడి చేయాలి. బాగా వేడైన తర్వాత అందులో ఉల్లిపాయ ముక్కలు వేసి వేగించాలి. కొద్దిసేపటి తర్వాత మీడియం మంట మీద వేగిస్తూ.. అల్లం తురుము వేయాలి. అనంతరం కొద్దిగా ఉప్పు, టమోటా ముక్కలను వేసి 5 నిముషాల వరకు మీడియం మంట మీద ఫ్రై చేయాలి.
Step 2
అలా ఫ్రై చేసిన తర్వాత ఇదివరకే కడిగి పక్కన పెట్టుకున్న పెసరపప్పును ఆ కుక్కర్’లో వేయాలి. ఈ మొత్తం మిశ్రమాన్ని బాగా మిక్స్ చేసిన అనంతరం అందులో పసుపు, 3 కప్పుల నీళ్లు పోసి మూత పెట్టి చేయాలి. 3 లేదా 4 విజిల్స్ వచ్చేవరకూ మీడియం మంట మీద పెట్టి వదిలేయాలి.
Step 3
మరోవైపు ఒక డీప్ బాటమ్ పాన్’ను తీసుకుని అందులో కొద్ది నెయ్యి వేసి వేడి చేయాలి. కాగిన తర్వాత అందులో ఇంగువ, జీలకర్ర, ఎండుమిర్చి, బిర్యానీ ఆకు వేసి కొద్దిసేపటివరకు వేగనివ్వాలి. తర్వాత ఆవాలు, పచ్చిమిర్చి మళ్లీ వేడిగా ఉడికించాలి.
Step 4
అలా వేడిన చేసిన తర్వాత అందులో ఇదివరకే కుక్కర్’లో వేడి చేసి పెట్టుకున్న పప్పును వేసి మిక్స్ చేసి కలియబెట్టాలి. అనంతరం కొత్తిమీర తరుగుతో గార్నిష్ చేయాలి. అంతే.. పంజాబీ దాల్ తడ్కా రెడీ!