Thai Noodles

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే థాయ్ నూడుల్స్ ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

25 Minutes
Servings

1

కావాల్సిన పదార్ధాలు

నూడుల్స్ ప్యాకెట్ – ఒకటి
నువ్వులనూనె - రెండు టేబుల్స్పూన్లు
ఉల్లికాడల తరుగు – అరకప్పు క్యారెట్ తరుగు – కప్పు
క్యాప్సికం, ఉల్లిపాయ ముక్కలు - అరకప్పు చొప్పున
వెల్లుల్లి తరుగు - మూడు టేబుల్స్పూన్లు
అల్లం తరుగు –అరచెంచా
తేనె – చెంచా
పీనట్బటర్ – పావుకప్పు
సోయాసాస్ - టేబుల్స్పూను
వెనిగర్ - టేబుల్స్పూను
చిల్లీగార్లిక్ సాస్ - ఒకటిన్నర చెంచా
ఉప్పు - తగినంత

తయారు చేయు విధానం

Step 1
ఓ గిన్నెలో సగం వరకూ నీళ్లూ, కొద్దిగా ఉప్పూ, అరచెంచా నూనె తీసుకుని పొయ్యిమీద పెట్టాలి. అవి మరిగాక నూడుల్స్ వేయాలి. ఐదారు నిమిషాలకు అవి ఉడుకుతాయి.
Step 2
అప్పుడు దింపేసి వెంటనే చల్లని నీటిలో వేసి తరవాత వడకట్టాలి. ఈ నూడుల్స్పై కాస్త నూనె వేసి కలిపి పెట్టుకోవాలి. ఇప్పుడు పొయ్యిమీద బాణలి పెట్టి మిగిలిన నూనె వేయాలి.
Step 3
అది వేడయ్యాక వెల్లుల్లి తరుగూ, అల్లం తరుగూ, ఉల్లికాడల తరుగూ, క్యారెట్ తరుగూ, క్యాప్సికం, ఉల్లిపాయ ముక్కలు వేసి వేయించాలి.
Step 4
నాలుగు నిమిషాలయ్యాక తేనె, పీనట్బటర్, సోయాసాస్, వెనిగర్, చిల్లీగార్లిక్ సాస్, వేసి బాగా కలపాలి. కూరగాయ ముక్కలన్నీ కాస్త వేగాయనుకున్నాక నూడుల్స్ వేసి బాగా కలుపుకోవాలి. వీటికి మసాలా బాగా పట్టాక దింపేస్తే చాలు.