Goduma Ravva Upma

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే గోధుమ రవ్వ ఉప్మా ఎలా తయారుచేయాలో ఇక్కడ తెలుసుకోండి.

కావాల్సిన పదార్ధాలు

గోధుమ రవ్వ : పావుకిలో
ఉల్లిపాయ : 1 పెద్దది తరుగుకోవాలి
పచ్చిమిర్చి : 2 కాయలు చిన్నముక్కలుగా తరుగుకోవాలి
అల్లం : చిన్న ముక్క తురుముకోవాలి
కరివేపాకు : కొద్దిగా
వేరుశెనగ గుళ్ళు : కొద్దిగా
నూనె : 2 టేబుల్ స్పూన్లు
ఉప్పు : తగినంత
కొత్తిమీర : కొద్దిగా
నీళ్ళు : రవ్వను గ్లాసుతో కొలచి అదే గ్లాసుతో 1 గ్లాసు రవ్వకు 3 గ్లాసులు నీళ్ళు పోయాలి.
పోపుగింజలు : 1 స్పూను
ఎండుమిర్చి : 2

Step 1
ముందుగా పాన్ లేక వెడల్పాటి పాత్ర తీసుకొని నూనె లేక నెయ్యి వేసి వెడెక్కిన తరువాత ఎండుమిర్చి, పోపుగింజలు, వేరు శెనగగుండ్లు, అల్లం వేసి అవి వేగిన తరువాత నీరు పోయాలి. నీరు మరిగేటప్పుడు తగినంత ఉప్పు కలుపుకోవాలి.
Step 2
ఇప్పుడు గోధుమ రవ్వను నిదానంగా కొద్దికొద్దిగా పోస్తూ అట్లకాడతో త్రిప్పుతుండాలి.
Step 3
చక్కగా ఉడికిన తరువాత దించుకొని కొత్తిమీర చల్లి వడ్డించాలి.
Step 4
ఇందులోకి కారప్పొడిగాని, చట్నీగానీ మంచి కాంబినేషన్ ఇది సుమారు ముగ్గురు లేక నలుగురికి సరిపోతుంది. సభ్యులను బట్టి పరిమాణం పెంచుకోవాలి.