Korrala Upma

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే కొర్రలతో ఉప్మా ఎలా తయారుచేయాలో ఇక్కడ తెలుసుకోండి.

కావాల్సిన పదార్ధాలు

కొర్రలు : పావుకిలో
ఉల్లిపాయ : 1 పెద్దది తరుగుకోవాలి
బీన్స్ : 2 చిన్నముక్కలు గా కట్ చేయాలి
బంగాళా దుంప : 1 చిన్న ముక్కలుగా తురుముకోవాలి
టమాటో : 1 పెద్దది చిన్నముక్కలుగా తరుగుకోవాలి
పచ్చిమిర్చి : 2 కాయలు చిన్నముక్కలుగా తరుగుకోవాలి
కేరెట్ : 1 మీడియం సైజ్ సన్నగా తురుముకోవాలి
పాలకూర : 1 కట్ట సన్నగా ముక్కలు చేయాలి
అల్లం : చిన్న ముక్క తురుముకోవాలి
కరివేపాకు : కొద్దిగా
వేరుశెనగ గుళ్ళు : కొద్దిగా
నూనె : 2 టేబుల్ స్పూన్లు
ఉప్పు : తగినంత
కొత్తిమీర : కొద్దిగా
నీళ్ళు : కొర్రలను గ్లాసుతో కొలచి అదే గ్లాసుతో 1 గ్లాసుకు 3 గ్లాసులు నీళ్ళు పోయాలి.
పోపుగింజలు : 1 స్పూను
ఎండుమిర్చి : 2

Step 1
ముందుగా పాన్ లేక వెడల్పాటి పాత్ర తీసుకొని నూనె లేక నెయ్యి వేసి వెడెక్కిన తరువాత ఎండుమిర్చి, పోపుగింజలు, వేరు శెనగగుండ్లు, కేరెట్, తరిగిన పాలకూర, టమాటో ముక్కలు వేసి అవి వేగిన తరువాత నీరు పోయాలి.
Step 2
నీరు మరిగేటప్పుడు తగినంత ఉప్పు కలుపుకోవాలి. ఇప్పుడు కొర్రలను నిదానంగా కొద్దికొద్దిగా పోస్తూ కట్టకుండా అట్లకాడతో త్రిప్పుతుండాలి.
Step 3
చక్కగా ఉడికిన తరువాత దించుకొని కొత్తిమీర చల్లి వడ్డించాలి. ఇందులోకి కారప్పొడిగాని, చట్నీగానీ మంచి కాంబినేషన్.