Califlower pakodi

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే క్యాలిఫ్లవర్ పకోడి ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

20 Minutes
Servings

3

కావాల్సిన పదార్ధాలు

క్యాలీఫ్లవర్ 1 పెద్దది
పచ్చి మిర్చి : 4 నిలువుగా చీల్చాలి
అల్లం, వెల్లుల్లి పేస్ట్ : 1 టేబుల్ స్పూన్
కరివేపాకు కొద్దిగా : చిన్న చిన్న ముక్కలుగా చేయాలి
వాము : 1 స్పూన్
గరమ్ మసాలా : కొద్దిగా
శెనగపిండి : పావుకిలో
బియ్యంపిండి : 2 స్పూన్లు

తయారు చేయు విధానం

Step 1
మొదటగా క్యాలీఫ్లవర్ ను కాడలు లేకుండా పైన ఉండే గుబ్బలాంటి భాగాలును వేరు చేయాలి.
Step 2
ఒక వెడల్పాటి పాత్రలో వేడినీరు పోసి అందులో కొంచెం కల్లు ఉప్పు, కొద్దిగా పసుపు వేసి కేలీఫ్లవర్ ముక్కలను (గుబ్బలుగా ఉన్న పైభాగాలు) అందులో వేసి కొంచెం సేపు ఉంచి బాగా కడగాలి.
Step 3
తరువాత వీటిని చిల్లుల పాత్రలో వేసి పంపు కింద నీటి ధారలో ఒకటి రెండు నిమిషాలు ఉంచితే కేలిఫ్లవర్లోని మందుల అవశేషాలు, క్రిములు తొలగిపోతాయి.
Step 4
ఇప్పడు ఒక వెడల్పాటి పాత్ర తీసుకొని కేలిఫ్లవర్ ముక్కలను, తరిగిన పచ్చిమిరపకాయలను, వాము, అల్లం వెల్లులి పేస్ట్, కరివేపాకు శెనగపిండి, బియ్యంపిండి వేసి కొద్ది కొద్దిగా నీరు పోస్తూ పకోడీల పిండిలాగా కలుపుకోవాలి.
Step 5
ఇష్టమున్న వారు కొద్దిగా గరమ్ మషాలా పౌడర్ కూడా కలుపుకోవాలి. మరీ జారుడుగానీ, మరీ గట్టిగాకానీ ఉండకూడదు.
Step 6
తరువాత పొయ్యిమీద బాణాలీ పెట్టి తగినంత నూనెపోసి నూనె వేడెక్కిన తరువాత మనకు కావల్సిన సైజులో పిండిని తీసుకొని నూనెలో వేయాలి.
Step 7
దోరగా కాలిన తరువాత తీసి టిస్యూ పేపర్ మీద కానీ, న్యూస్ పేపర్ మీదకానీ పరిస్తే ఎక్కువగా ఉన్న నూనె పీల్చుకుంటుంది. వేడి వేడిగా తినాలి.