Prawns Biryani

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే రొయ్యల బిరియాని ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

35 Minutes
Servings

2

కావాల్సిన పదార్ధాలు

రొయ్యలు : అర కిలో
బాస్మతి బియ్యం : 2 కప్పులు
ఉల్లిపాయ : సన్నగా ముక్కలు చేయాలి
పచ్చి మర్చి : 2 నిలువుగా చీల్చాలి
అల్లం, వెల్లుల్లి పేస్ట్ : 2 టీ స్పూన్లు
టమాటోలు : 2 ముక్కలుగా తరుగుకోవాలి
నిమ్మకాయ : ఒకటి
కొత్తిమీర : గుప్పెడు
పొదినా ఆకులు : గుప్పెడు
కారం : 2 స్పూన్లు
ధనియాల పౌడర్ : 1 స్పూను
పసుపు : పావు స్పూను
ఉప్పు : తగినంత
లవంగాలు : 4
పెరుగు : అరకప్పు
దాల్చిన చెక్క : 1 ముక్క
ఏలకులు : రెండు
బిర్యాని ఆకు : 1
జాపత్రి : 1
నెయ్యి : 2 స్పూన్లు
నూనె : 2 స్పూన్లు

తయారు చేయు విధానం

Step 1
రొయ్యలు ఒలిచి శుభ్రం చేసుకోవాలి. బాగా కడిగి ఒక స్పూను కారం, అర స్పూను ధనియాల పౌడర్, ఒక స్పూన్ అల్లం, వెల్లుల్లి పేస్ట్, పెరుగు, ఉప్పు అన్నింటినీ రొయ్యలకు బాగా పట్టించి పక్కన ఉంచుకోవాలి.
Step 2
పాన్లో నూనె, నెయ్యు వేసి కాగాక దాల్చిన చెక్క, ఏలకులు, బిర్యానీ ఆకు, జాపత్రి, లవంగాలు వేయాలి. తరువాత తరిగిన ఉల్లిపాయ ముక్కలు వేసి కొద్దిగా వేయించాలి.
Step 3
తరువాత మిగిలిన అల్లం, వెల్లుల్లి పేస్ట్,పచ్చి మిర్చి వేసి పచ్చివాసన పోయే దాకా రెండు మూడు నిమిషాల పాటు వేయించాలి. తరువాత టమాటోలు, మిగిలిన కారం, ధనియాల పౌడర్, పసుపు వేసి మంచి మషాలా వాసన వచ్చేదాకా వేయించాలి.
Step 4
తరువాత తరిగిన కొతిమీర కొద్దిగా, తరిగిన పొదీనా ఆకులు వేసి 2 నిమిషాల పాటు ఉంచాలి. తరువాత మషాలా పట్టించిన రొయ్యలను కలపి రెండు నిమిషాలపాటు ఉంచాలి.
Step 5
తరువాత బియ్యం, నిమ్మరసం, మూడు కప్పుల నీళ్ళు కలిపి బాగా కలిపి మొత్తం ఉడికే దాకా ఉంచి దించుకోవాలి. రుచి కోసం కొత్తీమీర చల్లుకోవచ్చు.