Mushroom Biryani

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే పుట్టకొక్కుల పలావ్ ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

35 Minutes
Servings

2

కావాల్సిన పదార్ధాలు

పుట్టకొక్కులు : అరకిలొ
బాస్మతి బియ్యం : 2 కప్పులు
ఉల్లిపాయ : 1 పెద్దది (తరుగుకోవాలి)
టమాటోలు : 2 చిన్న ముక్కలుగా కోయాలి
అల్లం, వెల్లుల్లి పేస్ట్ : 2 టీ స్పూన్లు
కొతిమీర : పావు కప్పు తరిగినది
పొదీన : పావు కప్పు తరిగినది
పచ్చి మిర్చి : 3 కాయలు నిలువుగా సన్నగా చీల్చినవి
నెయ్యి : 3 స్పూన్లు
నూనె : 3 స్పూన్లు
కొబ్బరి పాలు : అర కప్పు నీళ్ళు : 3 కప్పులు
పెరుగు 2 టీ స్పూన్లు
ఉప్పు : తగినంత
కారం : 2 టీ స్పూన్లు
జిలకర్ర పొడి : 1 టీస్పూన్
పసుపు : పావు స్పూన్
గరమ్ మసాలా : కొద్దిగా (బిర్యాని ఆకు-1, దాల్చినచెక్క-2, లవంగాలు-5, ఎలకులు-3)

తయారు చేయు విధానం

Step 1
పుట్టకొక్కులను శుభ్రం చేసుకొని మురికి నంతా తొలగించాలి. కడగకుండా కిచెన్ టవల్ కు రుద్దితే మురికి పోతుంది. పెద్దగా ఉంటే ముక్కలు చేసుకోవచ్చు.
Step 2
బాస్మతి బియ్యాన్ని అరగంట సేపు నానపెట్టుకోవాలి. అడుగు మందం గల పాన్లో నూనె నెయ్య వేసి వేడెక్కిన తరువాత గరం మసాలా వేసి వేయించాలి.
Step 3
తరువాత ఉల్లిముక్కలు వేసి మంచి కలర్ వచ్చేదాకా వేయించాలి తరువాత తరిగిన పచ్చిమిర్చి, కొతిమీర, పొదీనా ఆకులను వేసి వేయించాలి.
Step 4
తరువాత అల్లం, వెల్లుల్లి పేస్ట్, టమాటోలు వేసి పచ్చి వాసన పోయేదాకా 2, 3 నిమిషాలు వేయించాలి. తరువాత పుట్టకొక్కులను వేయాలి.
Step 5
తరువాత పసుపు, కారం, జిలకర్ర పౌడర్, పెరుగు, కొబ్బరి పాలు, ఉప్పు వేసి కొంచెం చిక్కబడే దాకా ఉడికించాలి.
Step 6
తరువాత వడకట్టిన బియ్యం,నీరు,కొంచెం ఉప్పు వేసి అన్నం ఉడికేదాకా ఉంచి దించుకోవాలి. కొతిమేర చల్లుకోవచ్చు.