Kerala Fish Masala

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ఫిష్ మసాలా ఎలా తయారుచేయాలో ఇక్కడ తెలుసుకోండి.

Prep Time

45 Minutes
Cooking Time

30 Minutes
Servings

3

కావాల్సిన పదార్ధాలు

చేపముక్కలు – ఆరు
కారం - ఒకటిన్నర చెంచా
పసుపు- పావు చెంచా
ధనియాల పొడి
మిరియాలపొడి - అరచెంచా చొప్పున
నిమ్మ కాయ – అరచెక్క
అల్లం, వెల్లుల్లి ముద్ద - అరచెంచా
ఉప్పు – తగినంత
మసాలా కోసం
ఉల్లిపాయలు, టొమాటోలు - రెండు చొప్పున,
కొబ్బరి పాలు - పావు కప్పు,
కారం - చెంచా,
పసుపు - పావు చెంచా,
ధనియాల పొడి- ముప్పావు చెంచా,
మిరియాల పొడి - పావు చెంచా,
గరంమసాలా - అరచెంచా,
మెంతిపొడి - చిటికెడు,
అల్లం వెల్లుల్లి ముద్ద - అరచెంచా,
పచ్చిమిర్చి - మూడు,
కరివేపాకు - రెండు రెబ్బలు,
కొబ్బరి నూనె- అరకప్పు,
ఉప్పు - తగినంత.

తయారు చేయు విధానం

Step 1
ఓ గిన్నెలో అల్లం, వెల్లుల్లి ముద్ద, కారం, పసుపూ, ధనియాలపొడీ, మిరియాల పొడీ, నిమ్మరసం, తగినంత ఉప్పు తీసుకుని ముద్దలా కలపాలి.
Step 2
అందులో చేపముక్కలను వేసి వాటికి ఆ మసాలా పట్టేలా బాగా కలిపి అరగంట సేపు పక్కన పెట్టేయాలి. తర్వాత కొబ్బరిపాలు నూనె తప్ప మసాలా కోసం పెట్టుకున్న పదార్థాలను ముద్దలా చేసుకోవాలి.
Step 3
ఇప్పుడు పొయ్యిమీద బాణలి పెట్టి పావుకప్పు నూనె వేయాలి. అది వేడయ్యాక చేపముక్కలు వేసి వేయించి తీసుకోవాలి.
Step 4
అదే బాణలిలో మిగిలిన నూనె వేసి ముందుగా చేసుకున్న మసాలా వేసి బాగా వేయించాలి. అందులో కొబ్బరిపాలు పోసి మంట తగ్గించాలి. ఐదారు నిమిషాలయ్యాక ముందుగా వేయించిన చేపముక్కల్ని వేయాలి. అవి ఉడికి కూరలా తయారయ్యాక ఇంకొంచెం ఉప్పు వేసి దింపేయాలి.