Kakinada Kaja

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే కాకినాడ కాజాలు ఎలా తయారుచేయాలో ఇక్కడ తెలుసుకోండి.

Prep Time

1 Hour 20 Minutes
Cooking Time

25 Minutes
Servings

4

కావాల్సిన పదార్ధాలు

మైదా: అరకిలో
సెనగపిండి: 2 టేబుల్‌స్పూన్లు
సోడాబైకార్బొనేట్‌: చిటికెడు
పంచదార: అరకిలో
నెయ్యి: తగినంత
పంచదారపొడి: చల్లడానికి సరిపడా

తయారు చేయు విధానం

Step 1
మైదాను జల్లించి అందులో సెనగపిండి, సోడా వేసి కలపాలి. తరవాత రెండు టేబుల్‌స్పూన్ల నెయ్యి వేసి కలపాలి. ఇప్పుడు తగినన్ని నీళ్లు పోసి పిండిని మృదువుగా కలపాలి.
Step 2
పిండిమీద పలుచని తడిబట్టను కప్పి ఓ రెండు గంటల సేపు నాననివ్వాలి. అదేసమయంలో మరో గిన్నెలో పంచదార, అది మునిగేవరకూ నీళ్లు పోసి మరిగించి తీగపాకం రానివ్వాలి.
Step 3
పిండి ముద్దను అంగుళం మందంలో తాడులా పొడవుగా చేయాలి. దీన్ని చాకుతో అంగుళం వెడల్పు ఉండేలా ముక్కలుగా కోయాలి.
Step 4
ఓ ప్లేటులో పిండి వేసి అందులో ఈ ముక్కలు వేసి ఉంచాలి. ఒక్కో ముక్కనీ తీసుకుని రెండు అంగుళాల పొడవు వచ్చేలా అప్పడాల కర్రతో వత్తాలి.
Step 5
ఇలాగే అన్నీ చేసి, కాగిన నెయ్యిలో వేసి వేయించాలి. వేగిన వెంటనే మరిగించిన పాకంలో వేసి మునిగేలా చేయాలి. పది నుంచి పదిహేను నిమిషాలు నానాక బయటకు తీసి పంచదార పొడి చల్లి ఆరనివ్వాలి.