Semya Kesari

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే సేమ్యా కేసరి ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

20 Minutes
Servings

3

కావాల్సిన పదార్ధాలు

సేమ్యా: పావుకిలో
పంచదార: 200 గ్రా.
మంచినీళ్లు: 2 కప్పులు
వెనీలా ఎసెన్స్‌: అర టీస్పూను
యాలకులపొడి: టీస్పూను
జాజికాయపొడి: టీస్పూను(ఇష్టమైతేనే)
ఎండుద్రాక్ష: 2 టేబుల్‌స్పూన్లు
పిస్తా: 2 టేబుల్‌స్పూన్లు
బాదం: 2 టేబుల్‌స్పూన్లు
నెయ్యి: 2 కప్పులు

తయారు చేయు విధానం

Step 1
బాణలిలో టేబుల్‌స్పూను నెయ్యి వేసి ఎండుద్రాక్ష, బాదం, పిస్తా విడివిడిగా వేసి వేయించి తీసి పక్కన ఉంచాలి. మిగిలిన నెయ్యిలో సేమ్యా వేసి వేయించాలి.
Step 2
మరో పొయ్యిమీద మందపాటి గిన్నె పెట్టి పంచదార వేసి నీళ్లు పోయాలి. అందులోనే యాలకులపొడి, జాజికాయ పొడి వేసి కలుపుతూ పంచదార కరిగేవరకూ మరిగించాలి.
Step 3
మరో పాన్‌లో వేయించిన సేమ్యా వేసి అది మునిగేవరకూ నీళ్లు పోసి ఉడికించాలి.
Step 4
సేమ్యా ఉడికిన తరవాత పంచదార పాకం వేసి సన్నని మంటమీద పాకం మొత్తం పీల్చుకునేవరకూ ఉడికించాలి. తరవాత మిగిలిన నెయ్యి కూడా వేసి కలపాలి.
Step 5
సేమ్యా పాకాన్ని పీల్చుకుని దేనికది విడిపోతుంది. ఇప్పుడు వేయించిన బాదం, ఎండుద్రాక్ష, పిస్తా వేసి అలంకరించి అందించాలి.