Mushroom manchurian

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే మ‌ష్రూమ్స్‌మంచూరియా ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

25 Minutes
Servings

1

కావాల్సిన పదార్ధాలు

బటన్‌ మష్రూమ్స్‌ – పావుకేజీ,
మైదా – ముప్పావుకప్పు,
మొక్కజొన్నపిండి – పావుకప్పు,
కారం – అరచెంచా,
వెల్లుల్లి తరుగు – చెంచా,
ఉప్పు – తగినంత,
నీళ్లు – పిండి కలిపేందుకు,
నూనె – వేయించేందుకు సరిపడా.
మంచూరియా మసాలా కోసం:
నూనె – రెండు టేబుల్‌స్పూన్లు,
అల్లం,వెల్లుల్లి తరుగు – అరటేబుల్‌స్పూను చొప్పున,
క్యాప్సికం, ఉల్లిపాయ – ఒక్కోటి చొప్పున,
సోయా సాస్‌ – రెండు టేబుల్‌స్పూన్లు,
చిల్లీసాస్‌ – టేబుల్‌స్పూను,
కారం – అరచెంచా,
మిరియాలపొడి – పావుచెంచా,
ఉప్పు – తగినంత,
ఉల్లికాడల తరుగు – కొద్దిగా.

తయారు చేయు విధానం

Step 1
పుట్టగొడుగుల్ని కడిగి, తుడిచి పెట్టుకోవాలి. పిండికోసం తీసుకున్న పదార్థాల్లో నూనె తప్ప మిగిలినవన్నీ ఓ గిన్నెలోకి తీసుకుని కలపాలి. ఈ మిశ్రమం దోశపిండిలా ఉండాలి.
Step 2
ఇప్పుడు బాణలిలో నూనె వేడిచేసుకోవాలి. ఒక పుట్టగొడుగును తీసుకుని ఈ పిండిలో ముంచి, కాగుతోన్న నూనెలో వేసి ఎర్రగా వేగాక తీసుకోవాలి.
Step 3
ఇప్పుడు మంచూరియా మసాలా తయారు చేసుకోవాలి. బాణలిలో నూనె వేసి పొయ్యిమీద పెట్టాలి.
Step 4
అది వేడయ్యాక ఉల్లిపాయ, క్యాప్సికం ముక్కలు వేయాలి. రెండు నిమిషాలయ్యాక అల్లంవెల్లుల్లి తరుగు వేయాలి.
Step 5
అవి కాస్త వేగాయనుకున్నాక కారం, సోయా, చిల్లీసాస్‌, కొద్దిగా ఉప్పూ, మిరియాలపొడి వేసి పెద్దమంటపై వేయించాలి.
Step 6
ఇందులో ముందుగా వేయించుకున్న పుట్టగొడుగు ముక్కల్ని వేసి బాగా కలిపి దింపేసి ఉల్లికాడల తరుగు వేస్తే చాలు.