poornam undrallu

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే పూర్ణం ఉండ్రాళ్లు ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

30 Minutes
Servings

5

కావాల్సిన పదార్ధాలు

బియ్యప్పిండి: 2 కప్పులు,
మంచినీళ్లు: 3 కప్పులు,
నూనె: టీస్పూను,
ఉప్పు: కొద్దిగా
పూర్ణంకోసం:
పచ్చిసెనగపప్పు: కప్పు,
ఎండుకొబ్బరిపొడి: 2 టేబుల్‌స్పూన్లు,
యాలకులపొడి: టీస్పూను,
బెల్లంతురుము: కప్పు.

తయారు చేయు విధానం

Step 1
ముందుగా స్టవ్‌మీద ఓ గిన్నె పెట్టి మూడు కప్పుల నీళ్లు పోసి కాగాక అందులో కాస్త ఉప్పు, టీస్పూను నూనె వేసి కలపాలి. ఇప్పుడు బియ్యప్పిండిని వేస్తూ ఉండలు కట్టకుండా కలపాలి. పిండి ముద్దలా అయ్యాక స్టవ్‌పై నుంచి దించాలి.
Step 2
తరవాత కుక్కర్‌లో పచ్చిసెనగ పప్పును మెత్తగా ఉడికించాలి. నీళ్లు వంపేసి బెల్లం తురుము వేసి కలిపి కచ్చాపచ్చాగా రుబ్బాలి. అందులోనే యాలకులపొడి, ఎండుకొబ్బరిపొడి వేసి కలపాలి.
Step 3
ఉడికించిన బియ్యప్పిండి మిశ్రమాన్ని కొంచెంకొంచెంగా తీసుకుని చిన్న పూరీల్లా చేసి మధ్యలో పూర్ణం మిశ్రమాన్ని పెట్టి దాన్ని మూసేసి గుండ్రంగా చేయాలి. ఇప్పుడు వీటిని ఇడ్లీకుక్కర్‌లో ఆవిరిమీద అయిదు నిమిషాలు ఉడికించాలి.