senaga pappu modak

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే సెనగపప్పుమోదక్ ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

25 Minutes
Servings

3

కావాల్సిన పదార్ధాలు

బియ్యప్పిండి - కప్పు,
కొబ్బరి తురుము - అరకప్పు,
ఉడికించిన సెనగపప్పు - కప్పు,
ఆవాలు,
జీలకర్ర - చెంచా చొప్పున,
ఉప్పు - తగినంత,
నెయ్యి - నాలుగు చెంచాలు,
నీళ్లు - కప్పు.

తయారు చేయు విధానం

Step 1
ఓ గిన్నెలో నీళ్లూ, చెంచా నెయ్యీ, ఉప్పు తీసుకుని పొయ్యిమీద పెట్టాలి. నీళ్లు మరుగుతున్నప్పుడు అందులో బియ్యప్పిండి వేసేయాలి.
Step 2
బియ్యప్పిండి ఉడికి దగ్గరగా అయ్యాక దింపేయాలి. బాణలిలో మిగిలిన నెయ్యి కరిగించి ఆవాలూ, జీలకర్ర వేయించుకోవాలి.
Step 3
అవి వేగాక ఉడికించి పెట్టుకున్న సెనగపప్పూ, సరిపడా ఉప్పూ, కొబ్బరి తురుము వేసి వేయించుకుని పొయ్యి కట్టేయాలి.
Step 4
ఇప్పుడు మోదక్‌ అచ్చులో నెయ్యి రాసి కొద్దిగా బియ్యప్పిండి మిశ్రమాన్ని పూరీలా చేసి అందులో ఉంచాలి.
Step 5
తరవాత దానిపై సెనగపప్పు మిశ్రమాన్ని ఓ చెంచా వేసి మోదక్‌లా చేసుకోవాలి. ఇలా మిగిలిన ముద్దనూ చేసుకోవాలి. వీటిని ఆవిరి మీద ఎనిమిది నుంచి పది నిమిషాలు ఉడికించుకుని తీసుకుంటే సరిపోతుంది.