kheema pulao

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ఖీమా పలావ్ ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

30 Minutes
Servings

1

కావాల్సిన పదార్ధాలు

బాస్మతి బియ్యం - పావుకిలో,
నూనె - సరిపడినంత
మసాలా దినుసులు (లవంగాలు, దాల్చిన చెక్క, యాలకులు) - అన్ని కలిపి మూడు టీస్పూనులు,
గరం మసాలా - ఒక టీస్పూను,
మిరియాలు - ఒక టీస్పూను
జీలకర్ర - ఒక టీస్పూను,
వెల్లుల్లి పాయలు - నాలుగు రెబ్బలు,
ఉల్లి పాయలు - రెండు,
పచ్చిమిర్చి - నాలుగు,
అల్లం వెల్లుల్లి ముద్ద - రెండు టీస్పూనులు,
కారం - టీస్పూను,
టోమాటోలు - రెండు (మీడియం సైజువి),
పుదీనా ఆకులు - గుప్పెడు,
కొత్తిమీర - కట్టలో సగం,
ఉప్పు - తగినంత

తయారు చేయు విధానం

Step 1
బాస్మతి బియ్యం అరగంట సేపు నీళ్లలో నానబెట్టాలి. ఈలోపు స్టవ్ మీద పాత్ర పెట్టి నూనె వేసి వేడెక్కనివ్వాలి.
Step 2
నూనె వేడెక్కాక మసాలా దినుసులు, మిరియాలు, సన్నగా తరిగిన వెల్లుల్లి, తరగిన ఉల్లిపాయ ముక్కలు, జీలకర్ర, పచ్చిమిర్చి వేయించాలి.
Step 3
ఇప్పుడు కీమా వేసి వేయించాలి. అల్లం వెల్లుల్లి ముద్ద, టొమాటో ముక్కలు, కారం, పుదీనా ఆకులు వేసి వేయించాలి.
Step 4
అవి బాగా వేగాక మూడున్నర కప్పులు వేడి నీళ్లు పోయాలి. ఆ నీళ్లలో తగినంత ఉప్పు వేసి కలపాలి.
Step 5
ఇప్పుడు నానబెట్టిన బియ్యాన్ని నీళ్లు వంపేసి పాత్రలో బియ్యం వేయాలి.
Step 6
గరం మసాలా బియ్యంలో కలపాలి. బియ్యం సగం ఉడికాక స్టవ్ ని సిమ్లో పెట్టి ఉడికించాలి. పావుగంటలో బిర్యానీ ఉడికిపోతుంది.
Step 7
దానిపై కొత్తిమీర చల్లితే ఘుమఘుమలాడే ఖీమా పలావ్ రెడీ.